21‏/07‏/2007

نوستالجيا المدرسة

قبل القراءة ، لا بد من مشاهدة و لو جزء من هذا:ـ


لا أعرف شيئا اجتمع عليه كل صبيان مدرستي ، سوى العشق اللا نهائي لهذه الفتاة ، و من كان في الثمانينات في أي مرحلة دراسية في مصر(ابتدائية أو إعدادية) ، يعلم تماما ما أعنيه ، فقد كانت "فتاة خيال" أغلب من عرفت ، و كان التلفزيون المصري بكل قنواته (ثلاث وقتها) يبث الأغنية بلا انقطاع.
و أذكر صورة لأكثر شِِلَل المدرسة قسوة - أولئك المعروفين بمشاجراتهم الدموية و نكاتهم البذيئة - و هم يجلسون بالساعات ، متنهدين ، يتحدثون عن الفتاة التي تغني بولا بولا.
بالنسبة لي ، كانت جميلة إلى درجة انني لم أظن يوما أنها حقيقة ، و لم أتطرق للتفكير في كنه الفتاة نفسها حتى ، و لكنني كنت فقط ، أشاهدها تغني بابتسامتها الأخاذة ، في صمت.
عندما سلمني صديقي (ج) النحات النوستالجي ، مهووس الثمانينات ، أغاني على الكمبيوتر ، من نوادر عصور الطفولة البائدة ، عادت صورة الفتاة إلي ، رغم أنه أهداني موسيقات عديدة أخرى ، مثل مقدمة غراندايزر ، أبريق الشاي ، أغنية لفطوطة ، و لكن ظلت بولا بولا ، - ببحة صوت الفتاة ، و صورتها باسنان غير مصفوفة ، و ارتباك مبهج – هي أول ما توقفت عنده ، و تساءلت : ماذا حدث لها.. و عرفت الآتي:



الفتاة (كان) اسمها : نادين ظريِفة ، و ذلك الحفل الذي غنت فيه ، لم يكن حفل مدرسة كما قال لي أبي حينها سامحه الله ، و إنما كان مهرجان سنوي (و لا زال) تحت عنوان" مهرجان زيتشينو دورو التاسع والعشرين" بتاريخ 22-11-1986 وفي مدينة بولونيا الإيطالية حصلت الطفلة و هي بنت- 6 سنوات - على ميدالية جيورناجينو الذهبية عندما اعتلت خشبة مسرح أنتونيانو دي فراتي مينوري وأدت هذه الأغنية ( ڤولا ڤولا پارومبيلّا)، بمعنى : "طيري يا حمامة السلام" بمصاحبة كورس مؤلف من 35 طفل، والأغنية العربية بالأصل لماجدة الرومي باسم "طيري طيري يا عصفورة.” كلمات: جوزيف أبي ضاهر ، ألحان: إحسان المنذر ، و ترجمها من العربية للإيطالية: ساندرو تومينيلّي .
الجدير بالذكر أن المهرجان ترعاه اليونيسيف (و هذه إحدى مزايا اليونيسيف للذين يبحثون) .
فيديو آخر لها و هي طفلة هنا.


و بعد ذلك ، اسُتخدِمت نادين ظريفة كأيقونة للطفل العربي الباحث عن السلام ، و جابت البقاع مع اليونيسيف ، في فعاليات و مشاركات لعامين بعد الجائزة ، بل أنها حتى شاركت في أنشطة لجمع المال لضحايا الحرب من عائلات لبنان ، بل و في أحد المرات نجحت في تحصيل دعم كاف لبناء ملعب في بيروت.

مع حلول عام 1989 زادت وطأة الحرب في لبنان ، مما دفع أهلها للهجرة لكندا ، و هناك هجرت الغناء وعزف البيانو ، لتبدأ في التفاني لرياضة السباحة، حتى أصبحت أفضل سباحة في كندا عن عمر 13 عاما، ثم شاركت في الالومبياد العربية ، و حصلت على 5 برونزيات في السباحة باسم لبنان. ـ



و في سن لاحق ، قررت أن تعمل في سر شغفها الأكبر: البرمجيات ، و استمرت تعمل كمبرمجة للكمبيوتر لمدة ست سنوات ، إلى أن قررت العودة للموسيقى ، فبدأت العمل على الألبوم الأول ، و كان بالانجليزية ، و سرعان ما قررت العمل على تغييره لألبوم عربي في مصر.

الآن هي شابة يافعة على الطريقة اللبنانية ، و أعادت تصوير أغنية بولابولا بشكل بالغ السوء مع مخرج هاو أمريكي ، و لكنه يبدو أنه قد درس الكليبات العربية الحديثة جيدا ، فأخرج هذا الهراء.
فالأغنية تبدأ بشباب من كل الأعراق يجلسون يدخنون الشيشة ، و يتساءلون عن الطفلة التي غنت بولا بولا ، و سرعان ما تظهر لهم بالشكل الجديد...
السيدات و السادة إليكم .. (على طريقة بيسو) الفتاة التي طالما فتنتنا ، نادين ، و قد أصبحت نادينا ، تغني و ترقص ، و تمسك الشيشة ..
شاهدوا الأسطورة وهي تتحطم....
(يمنع لأصحاب القلوب الضعيفة ، أو للراغبين في الإبقاء على صور الطفولة) .

شاهد الڤيديو : هنا

و إمعانا في التعذيب ، يمكن مشاهدة موقع (نادينا) الجديد ، أو حتى صفحتها الخاصة على "ماي سبيس" ، و مراسلتها (هي تقرأها) ، و تحميل خلفيات اسطح المكتب لها بملابس ساخنة من هنا.

أتعجب...
لماذا كتب على كل الأيقونات التي أحببتها في حياتي أن تنهار؟ ألا تبقى الأشياء على حالها؟
ألا تبقى الأشياء؟

هناك 27 تعليقًا:

  1. غير معرف7/21/2007

    Ennaka taktobny :D...ana men mawaleed 1988 bas 3andy nostalgia 3'areba lel o3'neya de...we lesa gayebha 2orayeb men 3al net...we fe3lan el bent de kat fatat a7lamy kot amoot washof el o3'neya fe3lan...shee2 mo7zen 7ekayet el clip da, msh ma32ol ! el motreben el 3arab beyro7o yegebo mo7'regen amrican daraga 3ashra.

    Sadamteny fe3lan...el sadma el gaya elly momken te7sally ennohom ye3melo remake le clip beta3 o3'neyet el dafade3 " bom, bom bom...yaaya " we yeb2a 3D :))....2amoot wageb el o3'neya de !

    BTW ana ba7eb el blog da geddan we metab3ak...keep on !

    Sherief

    ردحذف
  2. غير معرف7/21/2007

    احمد انا النهارده حزين حزيين كل الرموز تنهار البنت دى كانت مهمة لينا قوى انما الحكاية توصل للخرى ده أحه تصدق النهارده انا ناجح فى البكالريوس و البوست ده عكننى قوى
    كنت افضل لو ماتت صغيرة

    ردحذف
  3. إنت بقيت مؤخرا عنيف جدا يا أحمد !

    ردحذف
  4. غير معرف7/21/2007

    مش عارف ليه ان متصور ان البنت دى عدت بحاجات كتير قتلت البراءة.
    أنا متصور حياتها زى جينى بتاعت فورست جامب . لخبطة و انحدار حاجة كده مش راسية يمكن الايقنة ضرتها. أعاننا الله على تحمل هذا الأمر.

    ردحذف
  5. balila7/22/2007

    سامحك الله, لقد كنت في قمة السعادة عندما اكتشفت الاغنية على يو تيوب

    الا قاتل الله الانترنت

    ردحذف
  6. غير معرف7/22/2007

    you made me sad. that was the nicest thing i remmeber from the whole decade of the 80s

    ردحذف
  7. wallahy ya m3allem enta a7bateny fe3lan,o3'neyet bola bola men el7agat elly etrabait 3laiha,khalas keda akher amal leya howa mcgaiver,m3a en ayam el80s dy kollaha kanet we7sha,3arabeyat shaklah we7esh we tv khara we wel banat shaklaha we7esh wel moada kanet zebala,kol elromooz delwa2ty ya m3allem btet7attam,rabena yostor 3laina fe zaman elfetna elly 3aysheno da

    ردحذف
  8. عشان كده واحد زي جيم موريسون أو جيمي هندريكس استنوا ايقونات لانهائية

    ردحذف
  9. aywaa mn yoomen kont 3mala bdawar 3la aghany l atfal 3la you-tube we olt ashoof Nadina ba2et 3amla ezay "kaza 7ad mn as7aby alooli 3la l clip"
    kaan mo2ref!!

    ردحذف

  10. ياعم ربيع الناس دي بقت اساطير عشان ماتت وهي اول الثلاثينات او اواسطها
    موريسون 32 مارلي 36
    يعني لو مايكل جاكسون مات بعد ألبوم هيستوري كان زمانه بأه ايقونه دلؤتي هو كمان .
    الأخت نادين نموذج للمواطن العربي السليم والصحيح جدا
    لو ملاقاش حاجه حواليه يدمرها,يبقى يدمر نفسه.

    ردحذف
  11. بالحقيقة لقد فوجئت بعدة أشياء
    اولا ان البنت بنت بلدي ولم اكن قد سمعت بها قبل قراءة هذا البوست
    ثانيا ان كليب الاغنية مع الاطفال مذهل ولم اكن اعرف مطلقا انه كان ذو تاثير عندكم
    ثالثا صدمت من الكليب الجديد
    لا لشيء، فقط لأن اللعب بهذه الصفاقة في أغنية خاصة بالاطفال و تحويلها الى مادة اغواء رخيص شيء صادم حقا
    ربما على اصحاب الاغنية الاصلية التصرف برفع دعوى ما ليتوقفوا عن العبث برموز الطفولة
    صحيح انني كبيرة جدا لكنني اعشق شوكولا اصابع الكيندر وفوجئت منذ ايام بان الشركة المنتجة غيرت صورة الولد الصغير الذي كان على العلبة، بقي هو نفسه لكنه كبر كثيرا
    سقطت صورة أخرى
    بكل الاحوال لا اعرف ما اقول غير شكرا لأنني تعرفت على امر جديد لم اكن على علم به
    خلص امسك اعصابك وطول بالك وقل هذا زمن القرود
    تحياتي

    ردحذف
  12. لن اشاهدها و هي ساخنة يا احمد، فحتي لو لم تكن طفولتي في الثمانينيات، و كانت قبلها بعقد كامل هو السبعينيات فهذه الاغنية تحديدا كانت مصدر بهجة و براءة تمنحني سعادة طاغية كلما كنت اشاهدها أو اتذكرها، لن افتح اي من الروابط التي ذكرتها و كفاني ما تعيثه الايام فسادا في حاضرنا و مستقبلنا فلا نساعدها علي افساد ماضينا الجميل و ذكريات طفولتك و مراهقتي

    ردحذف
  13. من فترة شفت رابط للأغنية الجديدة في مدونة مش فاكرة اسمها دلوقتي
    أكتر ما أحزنني تعليقات الرجال بصفة خاصة...الكل اتفق على أنها كانت فتاة الأحلام في الصغر
    وتقريبا الكل عبر عن سعادة بالغة لأنها جميلة وساخنة الآن

    ورغم إنها جميلة فعلا إلا إني حسيت بشئ بينكسر وأنا باتفرج عليها
    واستغربت جدا إن مفيش حد منهم حس بيه

    ردحذف
  14. هو ده فعلا قصدي يا مالك

    ردحذف
  15. المشكلة ان البنت لما كبرت مبقتش مزة
    يعنى بصراحة ملامح وشها مش مريحة لو دققت في الصور هتلاقيها واخده ضربة مطوة في جبهتها

    ردحذف
  16. شريف المجهول

    أغنية الضفادع... ياااه
    دي كانت إيه أصلا؟
    :)
    ــــــــــــــــــــــ

    المجهول

    سيبك انت مبروك النجاح ، الدنيا صغيرة و اتفه من ده كله
    و ما فيش داعي نتمنالها الموت ، هي عملت اللي على كيفها ، ما كانش في اتفاق ما بيننا إن البراءة تفضل ، لا أنا براءتي استمرت ، و لا انت ولا هي


    ــــــــــــــــ
    محود عزت

    يعني أنا اللي عنيف بس؟ ما تنزل الشارع؟
    بياع التين الشوكي بقي عنيف يا راجل
    :)

    ـــــــــــــــــــــــ

    مجهول

    تعليق چيني ده في منتهي الذكاء ، مش عارف ليه عجبني كده ؟؟ تحيه و ابقى اكتب اسمك

    ـــــــــــــــــــــــ
    بليلة

    ألا قاتل الله بنات الڤيديو كليپ
    و وصلات الانترنت المسروقة
    ــــــــــــــــــــــــــــ

    مجهول

    I Still remember couple of other nice things...

    ــــــــــــــــــــــ
    elharam

    lol ... MacGyver!

    ــــــــــــــــــــــــــــــ
    ربيع و مالك

    يعني واحدة أهلها سحبوها من إيدها و خلوها تغني في إيطاليا منشان يفرحوا بيها ، تقارنوها بموريسون و هندريكس ؟
    اللي كان عند كل فيهم مشروع خاص و معاناة يومية حقيقية؟!؟ ـ
    عيب اختشوا
    ناقص مين؟ چينيس چوبلين؟

    ــــــــــــــــــــــــــ

    speliz

    يعني إيه الكلمة دي؟
    شرفتي

    ـــــــــــــــــــــ
    RAT

    مش حتتصوري كانت مهمة لينا قد إيه!!

    ـــــــــــــــــــــ
    إيما

    و الله جدعة ، و لا من باب الفضول حتبصي؟
    :)

    ـــــــــــــــــــ

    arabisque

    ما ظنش أي حد مبسوط انها بقت مزة ، أو عاملة رقصات ساخنة ، بالعكس ، آديكي شايفة آراءنا... رجالة إيه و ستات إيه؟ الموضوع نفسي انساني نوستالجي بحت ، مشاكل الچندر مالهاش مكان في المسألة

    ـــــــــــــــــــ
    أحمد

    دايما بتمسك صميم الأزمة
    تفتكر لو كانت أمزمز من كده شوية كنا سكتنا؟
    :)

    ردحذف
  17. أنا ماقصدتش أي تحليل جندري للمسألة على فكرة بالعكس مقدرة جدا إنه موضوع إنساني ونوستالجي بحت

    دي كانت ملاحظة من واقع التعليقات على المدونة التانية- للأسف لسه مش فاكرة اسمها

    ردحذف
  18. غير معرف7/25/2007

    a ya7mad...kat cartoon kda...dafade3 bey3'anno lel 2om...wallahy kat betegy heya we o3'neyet nadine 3alatol...kat bet2ol " Bom, Bom bom..yaaayaa...wel donia el 7elwa feha kam mamaaa ! " :))

    Sherief

    ردحذف
  19. يا شريف عارفها طبعا ، أنا قصدي هي أصلها التاريخي إيه؟ أجنبي و متمصرة؟ و لا مصرية؟ و ليه الضفاضع بتغني عن الأم أصلا؟

    سيبني أدعبس في الموضوع ده لما أروق

    ردحذف
  20. الصديق العزيز أحمد
    بالنسبة لى فأن روعة الأغنية ترجع بقدر كبير للمرح والبراءة المنبعثة من أداء الكورال فصوتهم وحركتهم المميزة وتعبير الوجه علاوة على الموسيق والأخراج, لهم الفضل الأكبر فى هذا العمل وحصولها على الجائزة هو تقدير للفريق بالكامل.أما هى كشخص فمن خلال سردك واضح أنها شخصية متفوقة فى مجالات عديدة وهذا يحسب لها ولا أنتظر منها أن تكون كاملة,أما عن الفيديو الجديد بتاع الشيشة فأنا لم أتحمل أكثر من دقيقة لأنه بكل بساطة فيديو سىء من جميع الوجوه.ومع ذلك مازلت أحمل صوت الكورال المرح فى أذنى وأبتساماتهم الممئلة بالحياة ولم يستطيع الفيديو الجديد أنتزاعها , ربما لأنك حذرت منه قبل أن أراه فتلاشى عامل المفاجأة.
    شكراً على تذكيرنا بالأغنية الجميلة
    تحياتى محبتى
    علاء

    ردحذف
  21. غير معرف7/26/2007

    aaah...asef fehemt 3'alat...ana bardo msh 3aref a aslaha...a7'er a7'bar wesletly lama wa7ed sa7by men sanateen kallemny we 2ally efta7 el qanah el sab3a besor3a...tab3an mal7e2tesh la2en ma3andesh el qana el sab3a de aslan :))...eshta, da3bes we insha2 allah tela2eha.

    Sherief

    ردحذف
  22. شخصيا لم أصدم لسبب بسيط أنى سمعت من حوالى السنه من أصدقاء لبنانيين هنا فى كندا عما حدث لها..
    وبعد أن هاجمها الكثيرين..
    طلب مننا أحدهم أن نضع أنفسنا مكانها..
    أنسانه حققت كل شئ وهى طفله عمرها سنوات ماذا تفعل باقى حياتها..؟؟
    باﻷضافه لهجرتها اﻷضطراريه مرورا بأنجلترا لسنوات..
    وكما قال صديقى علاء..الكورال كان له دور كبير فى نجاح اﻷغنيه ..
    وبالمناسبه كان فى نفس المسابقه أغنيه أخرى يقوم فيها الكورال بنصيب اﻷسد وهى تنويعه أيطاليه على
    Old MaCdonald has a Farm
    حد فاكرها..تحياتى..خالد

    ردحذف
  23. إيه ؟؟؟ ، مكنش مُنتظـر من بنت خدت جايزة عاااالميـة على غنائها/صوتها وهيا عندهـا 6 سنين إنها تبقى غير كده ،،، صحيح (أوفر) شـوية إن كليب ( بولا بولا ) اللي كان بتاع الأطفـال يتعمل فيه صورة رقاااصـة بالشكل ده ، ويعرف الناس إن البنت اللي ( كانت تبدو عليها ملامح البراءة) بقت هيا دي دلوقتي !!! ... لكن أعتقد ده حقهـا في عصر نانس وهيفا و تافها ، و شركائها ..........

    متفق مع الناس اللي بتقول مبقتش "مُزة" ، بس البنت كانت حلوة ، دلوقتي غبيـة جدًا ........ ياللا نصيبها بقى !! طظ

    ردحذف
  24. و ازاي هي (قصدي ال رقمن لها الفيديو) تحط على الفيديو أن حقوق الطبع مملوكة لموقعها!

    ردحذف
  25. لا أدرى لماذا تقول ان ايقونتك تنهار بمجرد انك رايتها ترتدى ملابس ساخنه!!
    المشكله اننا نقيم عمل جميل فنرفع صاحبه الى عنان السماء ثم فى النهايه نصدم حينما نجده يتصرف تصرفات لا توافق هوانا
    نادين لم تعد فى مركز الأضواء فكان لابد من استغلال اغنيتها الشهيره المحبوبه
    زيها زى اى مخرج بيعمل اجزاء تانيه من فيلم ناجح و بتبقى الأجزاء التانيه مستهلكه و اقل مستوى بكتير من اول جزء لكن كله يهون من أجل الوصول الى نجاح سريع

    ردحذف
  26. غير معرف11/05/2010

    i love u ya rayes
    especially your last comment
    "أتعجب...
    لماذا كتب على كل الأيقونات التي أحببتها في حياتي أن تنهار؟ ألا تبقى الأشياء على حالها؟
    ألا تبقى الأشياء؟
    you have killed me with it
    ..
    palestinian..

    ردحذف

المدونة و التدوينات ، بلا حقوق فكرية ، باستثناء الأعمال الفنية و الموسيقات فهي ملكية خاصة لأصحابها.

  ©o7od!. Template by Dicas Blogger.

TOPO