11‏/06‏/2007

قانون ت.ت


منذ سنوات كنت قد قابلت بالصدفة في الطريق فنانا كبيرا ، و لا أعني بالكبير أي المشهور الذي تتهافت عليه الفتيات ، و لكنني أعني كبير الانجازات و السن أيضا ، أخبرني أنه مبتئس من وظيفته تلك في مؤسسته العتيدة حيث يعمل ، و كيف أنها تعطله عن عمله ، لكنه يشعر بالمسؤولية تجاه وظيفته ، و لا بد من الاكمال، و أفاد كلاما عن البيروقراطية استغلال النفوذ ، و كل ما نعرفه عن مؤسسات كهذه ، ثم قال لي:

- أنا مش مشكلتي كل التجاوزات اللي بيعملوها ، أنا اتعودت على كده ، أنا مشكلتي إن مافيش سقف ليهم ، و لا حدود للتعريس!

قلت : ما هو ده طبيعي و مش جديد

قال : لا.. أنا بانادي إننا نعمل قانون ، نسميه قانون ت.ت.

قلت : ت.ت؟!؟

قال : أيوه ، " تقنين التعريس" ، أي يصبح لكل صاحب منصب حصة محددة من التعريس لا يتجاوزها ، كل حسب منصبه ، و بالتالي يعم الاستقرار!

ضحكنا.

ــــــــــــــــــــــ

تذكرت هذا الحوار بينما تريني صديقة لي ورقة أخذتها من طالب في إحدى مدارس اللغات الراقية ، الطالب في عمر السنوات التسع ، كتب هذه الورقة حينما علم بزيارة مسؤول للمدرسة ، و المسؤول ليس كبيرا بالمرة ، و بالكاد أعرف عنه جملتين ، لكن الطفل كتب هذه الورقة تحية للمسؤول ، أقدمها هنا ، كما هي ، (شطبت على إسم المسؤول و المدرسة لضمان الخصوصية)


مكتوب التالي:

(استبدلت اسم المسؤول باسم مشابه "محمد شكري" ، و اسم المدرسة الأصلي بـ "الإخلاص" )


محمد شكري له الشرف إنه يخش الإخلاص و لما

يخش الإخلاص أكيد هيخش مدرسة االلغات

و نحكيلو و هنسكيلوا و هنقولها هنكـ ( مشطوبة)

هنقولو مـ محمد شكري يا أبها

إه العظمه دى كله

محمد شكري يا سكرة خليت الإخلاص

منو منورة " محمد شكري إنشاء تنورنا

تاني عشان تنور عشان تكبر مصنعنا و كمان

تكبر مينا ميادينا.


" محمد شكري يا معلم خلي

الوزارة ( مشطوبة)

يارب تشرفنا تانا تاني

- انتهى الخطاب -


ليست هناك كلمة تقال لأساتذة هذه المدرسة ، سوى حرفين
ت .ت.



هناك 6 تعليقات:

  1. بالعكس , احنا واجب نضرب صحوبيه مع الولد العبقري ده
    ..
    الولد ده حايكون حد مهم جدا في مصر خلال العشرين سنه القادمه

    ردحذف
  2. انا شايف برضه فكرة مختلفة عن اصدار قانون ت - ت هو العكس تكريم المتفوقين من كل عام فى التعريس ..ولازم ننتبع اساليب جديدة فى التقييم بعيدا ع التعريس اللفظى باعتباره موضه قديمة ونتجه للنظر لاساليب التعريس الحديثة من النظرات و التعبيرات الحركية

    ..........

    وبعدين انا ليا واجب عرب عندك بعد ما فتكرتنى انا اللى كاتب تدوينه عمرو وسلمى ..انا رديت عليك هناك ومستنى الواجب
    : )

    ردحذف
  3. يا سلام عليك يا احد دايماً كدة متشائم
    الواد ده حيبقى وزير او عضو مجلس شعب
    و المدرسة رائعة
    انا باقترح مقرر للتربية التعريسية فى كل مدارس المعروسة
    و لما نعلم اولادنا الأول نبقى نقننه

    ردحذف
  4. تعرف نكتة : احنا مع "الرصين" يا فندم
    تبقي انت اكيد اكيد في مصر

    ردحذف
  5. حرام عليك ، فيه ناس برضه مابتحبش التعريص ، أنتي تعريص يعني
    بيقولك مرة واحد سكران ماشي في الشارع و قاعد يصرخ بصوت عالي، يخربيت دي حكومة بت كلب ، يخربيت دي حكومة بت كلب
    المهم العسكري عكشه و قاله قدامي على القسم ، أخينا قاله ليه يا حضرة الصول؟ قام قاله مانت قاعد تقول الحكومة بت الكلب ، فجه التاني معرص و قاله يا عم انا قصدي على حكومة أمريكا
    العسكري قاله يلا يا ابن الكدابة ، هو فيه حكومة بت كلب غير حكومتنا؟
    أنتي تعريص يا اكسلانس

    ردحذف
  6. هيثم
    و الله معاك حق ، الواد عبقري فعلا ، و خصوصا إنه فكر في كده لوحده مش بتكليف من حد!! ـ

    بسام
    الاساليب عندنا و الحمد لله لا حصر لها ، محتاجة دراسات و أبحاث ، و مش أقل من معهد متخصص ، أو قسم علي الاقل في معهد الفنون الشعبية

    روز
    و الله أشك لو المسؤولين عندنا كانت عندهم مواهب بالحجم ده ، عموما حنشوف

    إيما

    حمد الله ع السلامة
    :)


    ربيع
    قراءتي للحدوتة مختلفة ، كلاهما مدرك لماهية التعريس ، لكن مختلف في حجمة و أماكن تواجده

    شرفت الزيارة الأولى
    :)

    ردحذف

المدونة و التدوينات ، بلا حقوق فكرية ، باستثناء الأعمال الفنية و الموسيقات فهي ملكية خاصة لأصحابها.

  ©o7od!. Template by Dicas Blogger.

TOPO