03‏/08‏/2008

بطاطين



ستظل الروايات المصورة في نظري هي أقرب الفنون إلى الكمال ، و أكثرها تأثيرا في نفسي بسرعة و ثبات. و لما كنت قد توقفت تماما عن القراءة منذ ما قارب العامين ، إلا انني عدت أقرأ بخطى وئيدة ، و لكن طوال انقطاعي استثنيت بشكل تام الروايات المصورة معتبرا اياها دربا آخر من الكتابة ، و الفنون.

بعد الانفجار الأخير للرجل الوطواط ، و الفيلم الخرافي النجاح "Dark Knight" ، عاد الحديث عن الروايات المصورة على قمة اية جلسة بين اصدقائي ، و مقارنات الأفلام و أبطالها بالروايات المصورة الأصلية.
و الحقيقة أظن ان كرستوفر نولان ، مخرج الوطواط الأخير قام بأمر يحسب له ، فقد أعاد الرجل الوطواط للحياة الأرضية ، و اختزل منه الكثير من صفاته الأسطورية ، و حوّل من مدينته الخالدة جوثام ، إلى مدينة أمريكية معاصرة ، و اسقط الكثير من فلسفات و اتجاهات ما بعد ١١ سبتمبر على احداث الفيلم ، و شخصياته.

غلاف كتاب الرجل الوطواط الأشهر

و الحقيقة ، آخرين قد قاموا بعمل أفلام جيدة مبنية على سلاسل مصورة او روايات كارتونية ، مثل V for Vendetta ، و Sin City ، و Ghost world و Persepolis ..
و اختلف كل فيلم في تناول الرواية - كلٌ كيفما يحلو له - فمنهم من آثر نسخ الألوان و التفاصيل البصرية للرواية ، و منهم من فضّل استقطاع الشخصيات و بعثها في فيلمه داخل بيئة أكثر واقعية.

مقارنة من فيلم و رواية (Ghost World)

مقارنة من فيلم و مجموعة : "Sin City"

و لكن ما دفعني للكتابة ليست الأفلام علي الإطلاق ، بل هي رواية أخرى.. Blankets (أغطية) لـ كريج تومسُن .

الرواية قرأت عنها كثيرا ،و وضعتها مجلة تايم ضمن أهم ١٠٠ كتاب على الإطلاق ، و انتهزت الفرصة لشرائها بما تجاوز العشرين دولارا ، و إن كانت متاحة للقراءة على الانترنت ، و لكنني لم أشأ ان أمارس هواية القرصنة على عمل كهذا.

و لا أبالغ ان قلت أن الوقت الذي قضيته مع قصة كريج ، تلك التي تقترب من ال٦٠٠ صفحة ، يعد من افضل و أمتع الأوقات التي قضيتها مع أي عمل فني في السنوات الأخيرة ، فالرواية البسيطة تحكي سيرة المؤلف و الرسام الذاتية ، خلال نشئته في اسرة أمريكية فقيرة ، في ولاية ثلجية، و تحت رعاية أم مهووسة دينيا ، و كيف سارت حياته بين صراعات عدة ليتمكن من الرسم.


مقاطع من الرواية

و رغم أن الرواية تدور في أجواء أمريكية بحتة ، و مدن تغشاها الثلوج ، و عوالم كنسية قاسية ، إلا أن الرواية تجاوزت كل أبعادها المحلية ، و تلمس القلوب بسلاسة غريبة ، و رغم استخدام اللونين الابيض و الاسود فقط ، إلا ان التكوينات البصرية المدهشة ، والزوايا المختلفة للحكي ، وذكاء التلاعب بالأزمنة في السرد، و التذكر و اعادة التذكر ، اعطى للرواية تلوناً رائع.

مقاطع أخرى من " أغطية"


هذه الرواية حدث و أن منعت من المكتبات العامة في ولاية ميسوري الأمريكية ، انطلاقا من ان الرواية بورنوغرافية الطابع ، و الحقيقة هو أمر مناف تماما لمحتوى الرواية ، و أظن ان السبب الرئيسي للمنع هو أن الرواية تكرس لاختيار الحب و البحث عن حقائق عدة ضائعة متجنبة تأثير الدين و الكنيسة في حياة بسطاء الناس، بل نابذة هذا التواجد الديني في احيان أخرى ،لذا أرى الرواية جريئة بعض الشيء من هذه الناحية.


للمسيح دور كبير في حياة الطفل


أظن قصة حب "كريج" (اسم بطل الرواية ، وواضعها) هي أكثر قصص الحب التي قرأتها حنينا و عذوبة ، لا أدري هل ذلك لقرب أحداثها لقصص مررت بها بشكل ما ، أم لانها فقط حكاية تلقائية مسترسلة بما لا يدع مجالا للقاريء بعدم التماهي فيها ..
ربما هي مشاعري الخاصة .. لا أعلم ، و لكنني كنت أقع في حب "راينا" الفتاة مع البطل خطوة بخطوة.

كريج و راينا

تعتريني قناعة ما بأن هناك قصور رهيب في الانتاج الفني في مصر بشكل عام ، فاعرف - مثلا - كثيرا من المخرجين السينمائيين الكبار ، شديدوا الوعي و الإدراك ، و لا تنقصهم حساسية عاطفية عالية ، و لكنهم في النهاية ينتجون افلاما - قد نحبها - و لكنها تفتقد بعدا بصريا ما. و لا استثنى الأدب و الروايات من ذلك.
و أعيد هذا الأمر لنشأتنا البصرية ، فلا خلاف على ان حيواتنا في مدن رمادية صاخبة - لا تلونها سوى لافتات روتانا و إعلانات السمن البلدي - قد أفقدنا كثيرا من حسِنا البصري ، و لا عجب أن نشاهد أفلاما مصرية عبقرية ، و لكن ينقصها الكثير من جماليات الصورة ، و مفردات التفكير البصري و القدرات التشكيلية بشكل ما.
طبعا هذا ليس حكما مطلقا و الاستثناءات كثيرة .




الروايات المصورة هي حالة فريدة من تماهي الأفكار و الآراء الاجتماعية و التشكيلية و السياسية في تكوينات لونية و بصرية شديدة الاستثناء، و كل منهم تحمل طابعها الخاص ، و كل منهم أخذت من خصوصيتها الفنية وسيلة مُثلى لتجاوز الحدود و الثقافات.
المضحك أن مؤلف مخضرم لروايات الإثارة مثل آلان مور ( مؤلف: Watchmen , V for Vendetta ، From Hell ) ينزعج تماما من تسمية : Graphic Novel التي شاعت في كل البلدان ، و يفضل الاسم الكلاسيكي Comic Book.
بالمناسبة هناك فيلم تسجيلي عن ألان مور - لمحبيه - بعنوان : The Mind Escape Of Alan Moore , متاح على هذا التورنت ، يتحدث فيه بالتفصيل عن رؤيته لعوالم قصصه الخاصة.

ورغم أنني لست من مهووسي ألان مور ، إلا أنه أثار أمورا شيقة جدا في حديثة في هذا الفيلم التسجيلي ، اقتبس منه بتصرف حديثه عن العنف:
" يدفعون لنا لنكتب حلقات مصورة مليئة العنف و رجال يقتلون بعضهم البعض ، و أعتقد أن السبب الرئيسي لقيام الحروب في البلدان هي أن الناس لا تمارس الجنس بشكل كاف ، فبدلا من تنفيس طاقاتهم في فعل جميل كالمضاجعة ، يلجؤون لقتل بعضهم البعض... إن نظرت ستجد أن أغلب الحروب تحدث الآن في بلدان لا يمارس فيها الناس الجنس بشكل كافي."
و يقول حول ديانته التي اعتنقها "الديانة السحرية" :
"يعترض الناس علي السحر ، و السحر هو أن تردد كلمات معينة تجعلك قادرا علي التأثير في الناس و ربما تنويمهم ، و لكن أليس هذا ما يفعله الإعلام؟ إن التلفزيون يُبث للملايين ، و تُبث فيه كلمات ما في نفس الوقت ، و يجعل مشاهديه جميعا يفكرون في نفس الفكرة في ذات الوقت ، و ربما يأتون بتصرفات و سلوك عام من تلقاء ذلك ، أليس هذا هو السحر؟"


أعتقد أنني أنصح بالرواية بشدة لمن أراد خوض هذا العالم ، الرواية مطبوعة في حوزتي لمن أراد من الأصدقاء ، و بإنجليزية شديدة البساطة بالمناسبة ، و لا تستعصي على العديدين ، كما أن النسخة المقرصنة موجودة أيضا بكفاءة عالية للتحميل المباشر من مواقع على ثلاثة أجزاء ( واحد، إثنين ، و ثلاثة ).

بحوزتي روايات مصورة أخرى ، سئُوالي الحديث عنها إن وجدت ما يستدعي الاهتمام مثل هذا العمل . ذلك الذي جعلني اهبط لعملي الروتيني في اليوم التالي للقراءة ، بشعور مغاير تماما عن كل يوم .

هناك 17 تعليقًا:

  1. انا جاى اعمل زى ما انت قلت لى اهوه
    انا عايز اقرأ الرواية ممكن تسلفها لى وارجعها لك

    ردحذف
  2. غريب أمرك يا أخي
    ما بعتتش بالإيميل ليه؟؟

    عموما .. اديني كام يوم لإني مسلفها لواحدة .
    بس ابتدي اقرا من ع النت ، لانها ٦٠٠ صفحة ، و مش عاوزك تعوق
    عينينا ليك يا بوس

    ردحذف
  3. طب يا معلم انا لسه شايفك اول امبارح مقولتش ليه ؟
    ماشي يا معلم مردوده لك
    صحيح ظبط روابط التحميل,رابط الجزء الاول متلغبط مع الجزء التاني.

    تسلم يا معلم

    ردحذف
  4. انا ححمل الرواية و اقراها مع انى مش من عشاق الكوميكس الامريكى
    لكنى من عشاق المانجا اليابانى او القصص المصورة اليابانية و بشوفها افضل بكتير من الامريكى فى كل حاجة
    انا كنت كتبت من فترة فى مدونتى عن القصص المصورة اليابانية
    و حبقى اكتب موضوع عنها تانى بأستفاضة اكبر و لو عايز مانجا مترجمة عربى ممكن ابعتلك نسخة الكترونية بالميل
    و الميزة ان فى المانجا اليابانى مبيبقاش فى حدود سواء كانت دموية او رومانسية او اكشن او بوليسى عمرك ما حتلاقيها تقليدية لكن دايما فى تجديد و المشاهد الجنسية لو موجودة بتبقى عادى سواء ايتشى يعنى مثيرة او هنتاى اللى بيبقى فج و ينقل معاشرة كاملة مثلا لأن مبيبقاش فى حدود او رقابة و غير انها فى الاساس مش بتبقى مقدمة للاطفال او المراهقين

    ردحذف
  5. شكرا جزيلا يا احمد ع المتعه دي

    ردحذف
  6. تعرف مجلة Mad؟

    ردحذف
  7. أحمد ، صار زمان ولم تمر علينا وتعطينا رأيك ...

    أوافقك الرأي على كل ما قلت...

    وأضيف ، بدأت قبل فترة بجمع كتب
    Scout McCloud
    أنصحك بقرأة
    Understanding Comics
    كتاب جيد جداً ، وبعد قرأته ستجد اسراراً تظهر في كل كتاب كوميكس تقرأه

    قبل شهر تقريباً وضعت يدي على كتاب إسمه
    Bigg Time
    للكاتب
    T Y Templeton
    نصيحة حاول الحصول على الكتاب فهو لا يفوت

    تحياتي أخي وصديقي
    MHJ
    of
    Arabs In Space

    ردحذف
  8. بيصو

    فين يابني التعليق المهم؟
    ما تبطل بقى!!!!!

    ـــــــــــــــــــــــــ
    مالكوم
    انت جامد يا مالكوم ، الروابط كانو ملخبطين فعلا ، و بعدين انا لما قابلتك كنت في وضع صعب جدا ، انت عارف ..
    الكوميكس ما كانتش في بالي خالص
    ;)

    ــــــــــــــــــــــــ
    qwert anime

    طبعا موضوع الكوميك الامريكي ، و البلجيكي ،و المانجا ده موجود منذ نشأة سيدنا آدم ، أنا مش متحيز لأي نوع ، باقراهم كلهم ،
    المانجا عظيمة طبعا ، و للكبار بشكل اساسي ،
    و لسة شايف الفيلم البديع
    TEKKONKINKREET
    اللي متاخد من المانجا اللي اسمها
    BLACK &WHITE
    تحميل ;)
    و باعتقد انه من احسن افلام الرسوم اللي شفتها في حياتي.
    بس عيب المانجا انها محدودة بصريا ، في شكل الناس ، و حركاتهم ، وأنواع الكادرات .
    بعكس الكومكس الامريكي ، اللي رغم ان نصها كلام فارغ أدبيا إلا انها دسمة جدا بصريا ، و لو بصيت حتلاقي باتمان مثلا بيرسمه من الخمسينات بتاع ٣٠ بني آدم بتلاتين ستايل مختلف.

    بس عندي سؤال و أظن جار القمر حيشاركني فيه :

    هو ليه في المواقع الخليجي بيسمو الرسوم المتحركة أنيمي؟
    و ليه احنا المصريين جاتلنا العدوى دي؟

    ــــــــــــــــــــــــــــــــــــ

    haisam

    دايما عند حسن ظني في ذوقك الفني.
    اسكندرية لسة فيها الخير

    ــــــــــــــــــــــــــــــ

    Alexandra

    طيب !!! حاعتبر ان سؤالك ده مش إهانة ، و حاعتبره خطوة لسؤال تاني يليه!
    ها؟
    :)

    ــــــــــــــــــــــــــــ

    Arabs in Space

    لا ...لا....
    أنا مش مصدق إن مبدع عرب الفضاء أصلا بيقرا المدونة دي...
    انا من معجبينك يا استاذ!
    و أظن بيصو كمان!

    بص أنا بدأت الثقافة دي متأخر نسبيا ، عشان كده باقرا كوميكس بكم أكبر من قرايتي "عنها" ، لإن مثلا اعمال كلاسيكية كتير مهمة لسة ما قريتهاش و لا اعرف عنها حاجة.
    فحاقرا
    Scout McCloud
    قدام شوية.

    أنا كنت سمعت عن
    Bigg Time
    بس ما كانتش عليها ريڤيوز مهمة قوي
    بس مادام رشحتها ، أنا حادور و أقرا

    عموما ،
    Ty Templeton
    له أعمال مجانية على الشبكة
    موجودة هنا.






    ــــــــــــــــــــــــــــــــــــــــ

    ردحذف
  9. حلو سؤالك اوى يااحمد
    فى الخليج الرسوم المتحركة اسمها انمى
    و فى سوريا اسمها منغا
    و فى مصر و ليبيا كرتون
    --------------------------------
    نبدأ بالخليج
    لما قناة سبيس توون اتفتحت و كان لها بث محدود على قناة البحرين فى اواخر التسعينات قدرت تلم مشاهدين كتير من الاطفال و خصوصا الخليجين و يتابعوها و يتابعوا اعمال مركز الزهرة للدبلجة
    و لما اصبحت لسبيس توون قناه خاصة على النايل مع بداية الالفية الجديدة زاد محبى الرسوم المتحركة العرب بنسبة كبيرة و خصوصا لمسلسل المحقق كونان
    و كمان لأن كان فى نسخ اجنبية لكونان سواء باليابانى او الانجليزى بتتباع فى الامارت و الكويت
    و طبعا الاماراتين و الكوايتة لاحظة الفرق بين الدوبلاج و بين النسخ الاصلية
    وواحد منهم تشجع و عمل موقع خاص بالرسوم المتحركة اليابانية
    و كان اسم الموقع
    موقع محمد الشريف للانمى
    و دلوقتى موقع محمد الشريف الموجود اللى هو عبارة عن منتدى ميسويش حاجة جنب الموقع الاول اللى كان مفتوح فى 2001 لكن تم اغلاقة و اتحذفت النسخة بأكملها فى نهاية 2006 تقريبا من جانب شركة الاستضافة لحد ما محمد الشريف ما اشترى سيرفر او اتعامل مع سيرفر تانى وفتح الموقع من جديد فى 2007 او فى اواخر 2006 و فى نفس الوقت انشئ محمد الزرعونى سيرفر كونان بدعم من محمد الشريف لكن السيرفر ده ميجيش حاجة جنب موقع محمد الشريف للتحميل المباشر و تراكر محمد الشريف للانمى اللى تم اغلاقهم مع المنتدى القديم
    و بالتالى فقدنا العديد من الاعمال اللى تم ترجمتهالحد ماشريف فتح المنتدى من جديد زى ما انا كتبت فوق لكن اصبح اسمة منتدى محمد الشريف للانمى و الدرما و بدأ يترجم درما كورى و يابانى بجانب كونان و ون بيس
    و اصبح كل اهل الخليج بيقولوا انمى بسبب محمد الشريف اللى كان سبب علشان يتعرفوا بالفن ده
    لكن المميز كان فى الفترة اللى تم اغلاق فيها موقع محمد الشريف
    دى كانت افضل فترة لعدة اسباب
    منتديات الانمى التانية شدت حيلها
    مثل مكسات
    و نادى الانمى اعربى
    و خصوصا مع افتتاح سيرفر عرب فانسب
    اللى بقى من خلالة اى حد يعرف انجليزى يقدر يجيب ملف الترجمة الانجليزى للانمى و يترجمة للعربى و ينسخة على النسخة اليابانى و ظهرت خمسين فرقة عربية للترجمة فى الفترة دى
    و من هنا اصبح اهل الخليج عندهم و عى بالمانجا و الانمى
    و مكانش فيه اى تجارب مصرية غير تجربتى اللى كانت عبارة عن مشاركتى بالعديد من اعمال الرسوم النادرة لشبكة الديجتال العربية افضل موقع رسوم ظهر على الاطلاق و اللى اشتغل فى الفترة من فبراير 2003 حتى نهاية 2005 و اللى اتقفل فى ظروف غامضة مع اشرافى على منتدى ثورة الانمى السعودى اللى تم اغلاقة فيما بعد و ظهر فريق مصرى على يد شباب اسكندرانين بنفس الاسم و هم من اعضاء دى فى دى فور عرب و لكن ليس لى علاقة بهم ثم افتتاحى لموقع اكاديمية الانمى و اللى انا اغلقتة بعد ست شهور من افتتاحة لعدم تحقيق المطلوب
    هى دى قصة المواقع الخليجية و الغير خليجية اللى تعدوا الخمسين منتدى حتى وصلوا لشكلهم الحالى
    و كان محمد الشريف رغم معارضتى لسياستة كان سبب فى انتشار هذا الاسم
    ---------------------------------
    اما سوريا واسم منغا و هو جديد نسبيا و يمكن كان من اهم اسباب ظهور الاسم دهمركز الزهرة و قناة سبيس توون
    اللى بعد محاولات عديدة معاهم قدرنا نفهمه انهم بيحرفوا فى الدوبلاج و ان المسلسلات دى للكبار مش للصغار و فى حاجة اسمها انمى و مانجا و فراولة ان الكرتون ده حاجة تانية خالص
    و فعليا اقتنعوا و اتفتح فى شهر خامسة اللى فات قناة سبيس باور اللى المفروض بتخاطب فئة اكبر من فئة سبيس توون و هى فئة المراهقين و الشباب و على الرغم من ان القناة يمكن قامت على مقترحات و خطط كنت ناقشت فيها الادارة اللى انها كانت صورة اخرى من سبيس توون بلا اى اضافة و كل اللى اتعمل انهم غيروا كلمة كرتون من قاموسهم و خلوها مانجا و قالو ميشوفوش حد اقل من 14 سنة و اى كلام فى النعناع
    و على الرغم من انى المفروض احد اعضاء الهيئة الاعلامية بسبيس باور و ان دورى تقييم الاعمال و وضع مقترحات لكن اكشفت ان الموضوع صعب مش حقول للحاجة كن فيكون لكنى بحاول اطور من برامجهاعسى ان يحصل و نشوف فى يوم من الايام قناة بتعرض فعلا حاجات من دى بصورة مشرفة
    ---------------------------------

    اما بالنسبة للمصريين فالرسوم المتحركة بيتقال عليها كرتون
    و اظن السبب معروف
    ----------------------------------
    انا الموضوع شدنى فبدأت اكتب بس انا نص نايم فممكن لو لقيتو كلام مش مفهم حبقى اعدلة بعدين
    و انا فى الفترة اللى جاية بحضر لفيلم تسجيلى عن متابعى الرسوم المتحركة و القصص المصورة فى مصر و شكلت يا نجم حتبقى واحد منهم ده لو توافق يعنى
    و لو اى سؤال تانى عن الانمى او المانجا او اى حاجة انا فى الخدمة

    ردحذف
  10. ادينى صحيت
    بس سؤال هو انت تقصد معنى كلمة انمى يعنى انت مش عارف معناها و لا تقصد اللى انا كتبتة منين حصل الانتشار لهذا المصطلح

    ردحذف
  11. احنا اولادنا في الريف عندهم ثقافة بصرية راقية جدا
    كمان اولادنا في بورسيعد والسويس
    وكمان اولادنا في اصعيد وفي احضان الجبل
    المساكين اللى ثقافتهم البصرية فاسده
    هم ابناء مصر الجديدة ومدينة نصر
    بعدين فين الكتاب بقي

    ردحذف
  12. و نقدر برضو نقول ، ان الجوكر هو اسامة بن لادن ، المطرقع اللي مش بيخطط لحاجه ، و دايما بيفاجيء الناس بالقنابل بتاعته ، و أبو وشين هو جورج بوش ، اللي اتعور جامد في 11 سبتمبر و حبيبته ماتت و نص وشه اتحرق ، و بعدها اتجنن و قعد يقتل في خلق ربنا كلهم
    باتمان بقى هو حسني مبارك

    ردحذف
  13. تعليق مش في الصميم يعني:

    "...و لكنهم في النهاية ينتجون افلاما - قد نحبها - و لكنها تفتقد بعدا بصريا ما"

    بالضبط، هو دا ال بيجعلني فاتر الشعور نحو السينما المصرية

    و نفس الشيء بالنسبة للموسيقا، فالموسيقا المسجلة المصرية مسطحة، تطرق نغماتها طبلة أذنك كل على حدى و تحس بالغرز في نسيجها و اللحامات ما بين "التراكات"، حتى لو كانت الكلمات جميلة أو مستفزة، أو جريئة؛ حديثة أو شعبية أو بين بين
    يوجد دائما شعور البلاي باك، أو روح مهندس الاستوديو الواقف على الميكسر.

    موسيقا سيد درويش من اسطوانة قديمة فيها اندماج أكثر من أي شريط حديث.

    في الحوارات حاولت أشرح دا للناس لكن كانوا بيفتكروني أستعلي على الموسيقا الشعبية و السينما المحلية.

    ----
    باتمان هو حسن نصر الله

    ردحذف
  14. لا مش أهانة وكان المفروض ارد بدري بس كنت خارج نطاق الخدمة خالص. كنت بسأل تمهيدا للمقولة الشهيرة: تبدل بقى يا كابتن؟ انا بدور بمنكاش على اعداد قديمة على اعتبار انه الأعداد الجديدة سعرها مبالغ فيه جدا. مرتين اشتريها واسيبها على الكاونتر لأني بقول لنفسي انه سفه بس تصدق وانا بكتب الكلمتين دول قررت انه طز واني حجيبها لنفسي كل شهر. المهم... تبدل يا كابتن؟

    ردحذف
  15. qwert anime

    اشكرك على التوضيح ، و لو اني مافهمتش قوي حاجات كتير فيه لاني اصلا ماباشوفش التليفزيون

    :)

    ــــــــ
    أحمد:
    طبعا أولادنا في السويس ماعندهمش ثقافة بصرية خالص.
    سامع عن واحد اسمه شوقي في بورسعيد عنده ثقافة بصرية كويسة ، بس شوقي مش المقياس.
    لما تيجي الرواية حاديهالك ، عيب ، وعد الحُر.


    ــــــــ

    ربيع

    طول عمرك محلل جامد ، فعلا معاك حق ، خصوصا ام حبيبته اسمها راشيل ، و الابراج كانت كلها شركات يهودي..
    الله عليك يا استاذ.

    ــــــــــ
    ألف

    مش كده برضو؟ بس انا اتهامي بالاستعلاء ده لازق فيا من زمان ، فأخدت عليه ، و لو اني عندي اوقات كتير مش باستعلي فيها
    :)

    سيد درويش احسن بدون منازع ، بشهادة مهندسين الصوت الحاليين ، فعلا.

    باتمان هو الإمام موسى الصدر ، لان كلاهما بيختفي في ظروف غامضة ، و بيلبسو نفس اللبس.

    ـــــــــ
    Alexandra

    Mad
    كنت باقراها على خفيف جدا ، و لما حبيت اتعمق فيها ، كان مسارها انحرف ، و بقت شديدة المحلية ، و الحقيقة اوقات ما كنتش بابقى عارف بيتكلموا عن ايه خااالص.
    فآثرت التوقف حفظا لماء وجهي الشرق اوسطي ، و بدلت الكام عدد اليتامى مع صديق افرنجي ، مقابل شيء لا أذكره الآن.
    غالبا حاجة بتتاكل

    ردحذف
  16. غير معرف2/26/2009

    A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

    A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

    情色,AV女優,UT聊天室,聊天室,A片,視訊聊天室

    一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    ردحذف
  17. غير معرف8/15/2012

    ازيك يا احمد حاولت تحميل الكوميكس -بطاطين بس واضح ان الموقع لغتها -ممكن لو في موقع. تانى -أنا عارفه ان عدى وقت طويل بس أنا بقلب فى المدونه بمزاج :)

    ردحذف

المدونة و التدوينات ، بلا حقوق فكرية ، باستثناء الأعمال الفنية و الموسيقات فهي ملكية خاصة لأصحابها.

  ©o7od!. Template by Dicas Blogger.

TOPO