05‏/12‏/2007

كلها أشياء

بعض مما يدور.. سمعته و صورته و تصورته:

- النص أ -

سمعت إحداهن تقول لصديقتها: "مش صعب إنك تبوسي و انتي ما بتعرفيش تبوسي ، اللي صعب بجد إنك تعملي ما بتعرفيش ، و انتي بتعرفي"

- النص ب -

ممثلة كبيرة من الأربعينات: يعني الدور اللي انت عارضه عليا ده ، أنا فيه باحّرك الأحداث؟
مخرج صغير من الألفينات: أيوه .
ممثلة كبيرة من الأربعينات:لا...لا...لا... ... أنا مش عايزة ابقي باحرك الأحداث ، أنا عايزة أكون "أنا الأحداث"...!


- النص جـ -

غلاف شريط لاصق : شيكارتون


"تنبيه ، هذا المنتج تم تصنيعه وفقا للمواصفات القياسية الأمريكية
، و لا يتم فحصه طبقا للمواصفات القياسية المصرية ، حيث أنها غير ملزمة"


- النص د -

من رديء الطالع أن أتصفح كتاب الزبائن في مقهى سيلانترو ، فأجد صفحة كتبتها فتاة أعرفها من أشهر هناك ، تقول:


"Hello All, I''m (her full name) , I'm better than any one"

- النص هـ -


إدارة : راشوان
كيف يمكن أن يعمل خطاطاً من لا يفقه حروف الهجاء؟

=====
فاصل غنائي ، من فرقي المفضلة
eels - Grace Kelly Blues

powered by ODEO


- النص هـ ٢ -

تحيا مصر



هناك 11 تعليقًا:

  1. :)
    صورة جمعية نقابة المهندسين دي منين بالظبط ؟
    يبدو أن الظلم في مصر طبقات بعضها فوق بعض .
    كنت أظن نقابة المهندسين مظلومة و مفروض عليها الحراسة من أكثر من 10 سنوات, و لكن يبدو أن لها ضحاياها أيضا .

    ردحذف
  2. آه... أنا بردو فكرت في كده
    :)
    اللوحة دي موجودة في مدخل العمارات الطويلة اللي في أول كورنيش المعادي.
    أعتقد انها هي أصلا عمارات نقابة المهندسين
    !!!

    ردحذف
  3. انا الاحداث يا استاذ.. انا الاحداث

    انا تاريخ ياابنى

    نيهاهاهاهاهاها

    ردحذف
  4. سمعت أول واحدة دي إزاي؟ D:
    أنا بسمعهم في حمامات المطاعم أو المدارس مثلاً

    ردحذف
  5. يا لهوي
    الصورة الأخيره قاتله تماما

    ردحذف
  6. NightS
    لا و الله ، دول كانوا ٢ بيتكلموا قدامي عادي كده
    غريبة صح؟

    ــــــــــــــــــــــــــــــــــ
    ربيع

    آه و الله يا ربيع ، حاجة تكسف ، لو مشيت لمدخل العمارة حتقرا نعي المهندس الشهيد ياسر عرفات !
    علي لوحة رخام بتاع مترين في مترين

    تحيا مصر

    ردحذف
  7. ناقص يعملوله ضريح و قبة ، و كل ده بفلوسي يا حيوانات ، بتعملوله يافطه بفلوسي يا زبالة النقابات

    ردحذف
  8. لا..لا...لا ياربيع ، لو سمحت ما تدخلش الأمور الشخصية دي هنا
    :)
    مدونتي مش مكان لتصفية الحسابات

    بعدين تاجر مع الله يا أخي ، تجارة لا تبور!

    و ثم تعالي هنا: قبل ما تسأل على فلوسك يا باشمهندس، فكر في الأراضي اللي انتوا مغتصبينها ، ارحموا الاطفال اللي اتيتموا ، و النساء اللي اتيتموا "بردو"!
    أنا ضد العبث بمقدّرات شعب المعادي الشقيق ، و باعلن رفضي لكافة اشكال التطبيع مع نقابتكم ، لحد ما ترجعوا للشتات ، أو نرميكم في البحر
    و ان تعذر نزقكم من علي الكورنيش .
    و و ما يبقاش ليكم وجود في أي من أراضينا ، و ما اشوفش مسطرة تي واحدة معدية في الشارع.

    يا جبل ما يهزك ريح (شعار)
    D:

    ردحذف
  9. مممم ، أولا لو فيه اراضي مغتصبينها زي ما نات بتقول ، فده وضع يد زي ما انا باقول ، و زي ما انت عارف المنطق الأعوج بتاعي ، طول انا مش مضرور يبقى مافيش ضرر
    هو في النهاية ماحدش بيستفيد بأي اراضي و لا نيلة ، كل الفايده من النقابة هو التأمين الصحي و البرستيج
    المهم انت عامل ايه ، مش هانشوفك بقى؟

    ردحذف
  10. يا ربيع ، انت عارف انت مكتوب غياب في كام اجتماع لغاية دلوقت؟
    انت غالبا مش حتدخل الامتحانات
    :)

    ردحذف
  11. عارف و الله انهم كتير ، بس باين المجتمعين بيتعمدوا ما يبلغونيش بالمواعيد عشان أغيب و اسقط

    ردحذف

المدونة و التدوينات ، بلا حقوق فكرية ، باستثناء الأعمال الفنية و الموسيقات فهي ملكية خاصة لأصحابها.

  ©o7od!. Template by Dicas Blogger.

TOPO