٢٣‏/٠٧‏/٢٠٠٦

عن مظاهرة الأربعاء... و رزقي على الله


رغم أنني كنت قد نزهت نفسي عن الوقائع الدموية في الشام..ليس سلبية و لا انهزامية... و إنما احباط في أغلبه... إلا أنني لم أستطع الاستمرار في الصمت و الكتابة عما أحب .. خصوصا مع ما أراه من ردود أفعال... و الحق بعضها أثار غضبي و إحباطي .. ربما أكثر من الحرب نفسها...

كما قال بيسو .. إن الخطاب الغالب تحول إلى خطاب عنصري .. من الطرفين .. كل يسعى لإبادة الآخر .. المسلمين من جهة و اليهود من جهة أخرى .. و كأن أصل القضية : الأرض و الحقوق و الواجبات التي على الطرفين أصبحت جزء هامشي....

و قد زاد الطين بللا .. دعوة أخونا في الإسلام علاء إلى تظاهرة عنوانها:

" تضامنا مع فلسطين ولبنان وضد الصهاينة والأستعمار والعملاء العرب

لا عذر لنا لو لم نذهب ولا خير فينا لو لم نحتشد

بعد 50 عاما من تأميم قناة السويس مازلنا نقف في وجه الاستعمار والصهيونية"

واضعا هذا البانر:



و لا بد أنه قد استشرى في المدونات كالنار في الهشيم... و لكن عن نفسي لم اسعد بالدعوة على الاطلاق لعدة أسباب .. و قد قررت أن أسطرها في مدونتى و ليس في مكان الدعوة ، احتراما مني لدعاية المظاهرة .. و حتى يكون رأيي هذا هو طرح لأفكار و تساؤلات ... و ليس هدما ، و لمجهود الآخرين ... المهم، استغربت الآتي:

١- أولا : طريقة الأحكام الجائرة و المستفزة تجاه الآخر المتمثلة في جملة "لا عذر لنا لو لم نذهب ولا خير فينا لو لم نحتشد" .. و كأن الكل لا بد أنه فريق واحد .. و الجميع يرى أن مظاهرة الاربعاء ستساعد في حل الأزمة ... و من له رأي آخر فـ" لا خير فيه "

٢- لم أفهم ما المطلوب من هذه المظاهرة ... ماذا ؟ "فتح باب الجهاد؟ طرد السفير؟؟" كانت هذه غالبية طلبات مظاهرة الأزهر ... فماذا عن هذه الوقفة؟ لي رأي في كل منهما:

أولا
: فتح باب الجهاد هو دعاية للحرب ... كثيرين ليسوا معها... خصوصا إذا كانت تجاه عدو سافل و لا خلق له ... و يفوقنا بأضعاف ما نملك من خبرات عسكرية .. و عتاد .. و دعاية .. و دعم دولي...


فاسرائيل أقوى الآن ...منذ قيامها و هي تكسب العالم في صفها .. نحن لم نفلح كعرب سوى في التقوقع.. و البعد عن الغرب قدر الإمكان .. سواء بتكفيره أو وصفه بالصليبي أو المنحل.. إلي آخره... نعادى أمريكا و الدانمارك و فرنسا و انجلترا.. و أي آخر يظهر عكس ما نحب ... و النتيجة الإمعان في العزلة.. جواز سفر المواطن العربي جميعنا نعلم ماذا يعني في أي مطار في العالم....ففقدنا الدعم السياسي أو الإنساني . ففي حالة أي معركة، دم العربي لن يساوي شيئا - كما نرى الآن-
و الصوت العالي لن يفيد أيضا.. كان صوتنا عالي في حرب العراق و أيام محمد الدرة... لا بد أن يكون لصوتنا قيمة.. و ليس حشدا فقط... لا بد من إعادة بناء اعتبارنا.. أوطاننا.. أنظمتنا .. أحزابنا.. قبل أن نستخدم أصواتنا...

كما جيوشنا ليست مؤهلة مثل الجيش الاسرائيلي...و الدليل أن الجيش المصري تتحول وحدات كاملة فيه إلى دور عرض سينمائي .. أليس بالأحرى أن نغير هذا أولا؟ و قرأت أن اسرائيل تستثمر في ١٤ قمر تجسس حول المنطقة!
و الحرب العصرية لم تعد جموع و بنادق.. بل أصبحت معلومات.. و تحديد أهداف .. و قصف بالطيران.. و دعاية مضادة ، بل و حتى هجوم على مواقع العدو السيبرية لشل قدرته هناك أيضا... هل نملك نحن كل هذا؟ و هل لدينا التنظيم الكافي ، و المال الاسطوري اللازم؟

و حتى إن كانت جيوشنا مؤهلة و كنت على خطأ .. كم روحا ستتطلب إهدارها من أجل إجلاء ٨ مليون مستعمر - مُعَسْكَرين-؟ ... أعتقد أن الكلام عن إجلائهم ده كان زمان .. الآن لا بد من إيجاد و سيلة للتعايش.. و أن يفهم بعضنا البعض.


ثم ..هل الحرب هي الحل؟ - لا أقول أن التظاهرة دعاية للحرب لكن الكلام جاب بعضه حول الجهاد الذي يطالب به الكثيرين - إن لبنان مثلا .. ستستلزمها عشر سنوات لإعادة بناء البلد من جديد ، لم تلبث أن بدأت في الوقوف على قدميها .. و ها هي تسقط من جديد... لا أعلم هل لم يفكر الأخوة أصحاب رايات الجهاد لماذا المنطقة منذ الأربعينات في حالة حرب؟؟!؟ بل و منذ بداية القرن أصلا ليس فقط بسبب اسرائيل ،عندك العراق و إيران ،الكويت، حرب لبنان ، الجزائر، الصومال،السودان!!... لست مع نظرية المؤامرة أبدا .. و لكن بالعقل: أطراف كثيرة تستفيد من " رجولة " العربي .. و عصبيته القومية لتجعله " أجيال و را أجيال" يمسك سلاحا .. و لا يبني وطنا أبدا .. و يعيش في ظل حكومات من العساكر لأنه دوما يخشى " لو حصلت حرب"... وواضح أن الحكومات الدينية الجديدة بنيت على نظرية الحرب و المعركة مع الصهاينة أيضا...

أما لو أخذنا تونس كمثال فهي - رغم سجلها الأسود في حقوق الانسان- قد نفضت يدها من قضايا متعلقة بالقومية أو العروبة - مرحليا - .. و تفرغت لبناء دولة و اقتصاد... و نجحت بشكل مذهل.. و الشعب سعيد .. بل الشعب يحب حكومته !!( أتكلم عن من عرفت من رجال و نساء عاديين ، و ليسوا ناشطين سياسيين) و قالت لي احداهن أنه لا حاجة للرئيس بن علي لأن يزوِّر الانتخابات ليُجَدّد له... لأن الشعب يريده... و هو أمر لا تسمعه في بلدان عربية كثيره...

البارحة ... تظاهر ألف اسرائيلي في تل أبيب من أجل (وقف الحرب) ، و هو عدد كبير بالنسبة لمظاهراتنا علما بأننا نفوقهم سكانا بعشرة أضعاف... أما مظاهرتنا ففحواها دعم المقاومة التي تساوي عندي دعم حرب طويلة، مدمرة سيخسر فيها العرب ما بنوه... و ليس لها مكاسب تذكر.. سوى الرجوع بالمنطقة لأجيال ولّت ، و في هذه المرحلة .. و هذه الظروف سيكون المكسب الأكبر لإسرائيل... التي قدتجتاح لبنان في أي لحظة بينما أكتب هذه السطور...و يصبح لديناإضافة إلى فلسطين المحتلة .لبنانن المحتلة... قضيتين بثمن واحدة.......
.
أعود و اسأل: هل الشعوب أهم ... أم القضية: أنا و أبي و أمي .. و أطفال لبنان أهم ؟ أم شرف العروبة...و صور الخوميني؟
أنا اخترت الطرف الأول و البعض من المدونين أيضا ... (حسنا ليس الكثير)!


ثانيا : طرد السفير ... الذي أعتقد أنه أكثر المطالب التي اسمعها بلادة و قلة حيلة.. و كأن طرد السفير يعني طرد اسرائيل و زوالها من الوجود... و كأن اسرائيل ستتأذى إذا فقدت ممثلها في مصر ... و ستعجز عن التصرف... إن لم يوجد سفير اسرائيلي في مصر ستظل الأوامر تأتينا من البيت الأبيض... و كلنا يعلم ذلك...
أنا رغم عدائي لكل ما هو اسرائيلي في هذا الكوكب... و لا كني لا أجد غضاضة في بقاء التمثيل الدبلوماسي... لأنه و سيلتنا الوحيدة لمعرفة العدو، لقد أغلقنا كل الأبواب، كم منا يعرف شيئا عن الحياة في اسرائيل؟ كم مصري شاهد فيلما اسرائيليا؟ أو شاهد عرضا مرسحيا؟؟؟ كيف سنواجه عدو لا نعلم عنه أي شيء ... معتمدين على نصر من الله و فتح قريب...!
ان التليفزيون الاسرائيلي يعرض أحدث الأفلام المصرية مرة في الاسبوع علي الأقل... بل و أحيانا مسلسلات، الاسرائيليون يأتون لمصر... كل اسرائيلي لديه فكرة مبدئية عن شكل و أحياء القاهرة و طبائع سكانها... نحن ماذا نعرف عن ناتانيا أو تل أبيب؟؟

السفير صلتنا الوحيدة بالآخر / العدو ... بدونه سنصبح كمن يعادي مخلوقات من الفضاء الخارجي .


٣- ( بعد 50 عاما من تأميم قناة السويس مازلنا نقف في وجه الاستعمار والصهيونية) ... ما علاقة التأميم بالصهيونية؟ أم أنه حشد قضايا و محاولة ربطها ببعض و خلاص؟

٤ - "أصحاب السعادة و الفخامة و السمو .. اتفو" ... ما هذا؟ أي أصحاب سعادة يقصد؟ لقد حارب اسرائيل كل من: صاحب الجلالة فاروق الأول ، و نقيضه جمال عبد الناصر... حاربهم مرتين.. و صاحب السعادة السادات انتصرنا في زمنه .. ووقعنا معاهدة.. و اجتياح ٨٢ بدأ و انتهى في عهد مبارك.. و معه تحربر سيناء ... فهل جميع أصحاب السعادة على اختلاف مشاربهم خذلوا واضع البانر؟ بينما أصحاب السماحة و الشياخة هم الأبطال؟؟؟ لا أظن ذلك.. و أعتقد أنه تعميم مجحف آخر .... إلا ان كان يعني المعاصرين فقط...و في هذه الحاله هل يستحقون البصق لأنهم أمنوا شعوبهم و بلادهم من الانجراف في الحرب التي لم يخطط لها سوى سماحة حسن نصر الله...؟ لا أظن ذلك...

٥- إيه موضوع المجد للمقاومة دة؟؟ هل حزب الله مقاومة؟ هل كان قد تم الاعتداء على شبر من لبنان؟ هل اسرائيل تستعمر فيها أي جزء؟ لا... إن حماس حركة مقاومة.. و غيرها الكثير الذين يعيشون تحت القصف اليومي.. بلا دعم يذكر.. و لا يحتاجون لإيران أو سوريا ليبقوا .. و لا أفعال عنترية ليثبتوا وجودهم ... بل هم مستمرون لإيمانهم بقضية..و بدعم الشعب لهم...

أما حزب الله فحدث و لا حرج:
هو الحزب الوحيد الذي لم تسر عليه اتفاقية الطائف المتعلقة بتسليم الميليشيات للسلاح
الحزب " يستعمر" جنوب لبنان .. و لا حيلة للحكومة هناك....
الحزب ليس لبنانيا صرفا .. و إنما أقيم بناء على أوامر من مدينة تسمى طهران - و هي ليست لبنانية بالمناسبة - و هو يحمل مباديء دينية شيعية لا تمثل سوى أقل من الربع..
الحزب على خلاف مع العديد من الأحزاب الوطنيه هناك و دوما ما يكون سلاح حزب الله من المواضيع الشائكة في اجتماعات الحكومة و الأحزاب...


لم أكتب ما كتبت معاداة لكل من ينادون بالتظاهر.. و نصرة الـ"مقاومة" و لكن لم استطع أن أخفي شعوري الطاغي بعبثية هذا الموقف... و أن الفصائل السياسية التي هي في أي بلد محترم تقوم بتوعية الشعب .. و إعادة بناء ما أتلفته الحكومة في عقله لسنوات .. أجد الفصائل الوطنية لدينا تنهج نهجا غاية في الغرابة.. و هو أن يقدموا لرجل الشارع ما يريد بأي ثمن.. تسولا لمشاركته.. و لمكان لهم بين الجماهير...، فتجد مثلا قضايا هامة أخرى على الساحة .. لم و لن تلتفت لها القوى الوطنية .. و هي أكثر تأثيرا في حياة المصريين... على اعتبار أن هذا موضوع ما يهمش الناس... المفتاح هو البحث عما "يهيج " الناس .. و المشاركة فيه.. فإذا ثار الشعب على روبي و قرر منعها من الغناء .. أعتقد أن حركات عدة ستتبنى القضية.. و ملعون أبو تذاكر المترو و الأغنياء أصحاب السيارات
...


للأسف هذه هي المرة الأولى التي لن أتبنى فيها أي من بنرات علاء....
و سأضع بدلا منه أي من الآتين:





http://img82.imageshack.us/img82/4009/airplanescj4.jpg











http://img82.imageshack.us/img82/700/victorgd6.jpg


http://img214.imageshack.us/img214/8979/finallh9.jpg


و قبل أن آتهم بالانهزامية أو العمالة .. أوضح أنني لم و لن أكون من القابلين لفكرة الوجود الصهيوني في المنطقة - نظريا - وأنني أحترم أي مقاومة للاستعمار أو الامبريالية .. أو أي من القوى التي تفرض إرادتها و أفكارها علي الشعوب... و لكن المقاومة لها أسس و أصول.. و لها حساباتها.. و لديها حس أدنى من تقدير الخسائر و المكاسب... و لا تقامر بأرواح لا أفرادها.. و لا المواطنين الآمنين الذين بذلوا سنوات من عمرهم الماضي في حرب ضروس ما لبثوا أن كانوا قد استراحوا... و لكن المقاومة استكثرت ذلك عليهم
...
بس.. سلمت سلاحى...

هناك ٨١ تعليقًا:

  1. حلو قوي.. عاجباني جدا البانرات دي .. و عاجبني وجهة نظرك جدا . متفق معاك

    ردحذف
  2. البنرات كلها سرقتها من صور ع النت ما لهاش صاحب...
    البانر الأخير يحوي حمامة بابلو بيكاسو الشهيرة
    و طائرة اف- ١٦ أمريكية

    شكرا يا هيثم..رأيك فعلا فرق معايا كثير

    ردحذف
  3. وجهة نظرك جديرة بلاحترام ولكن ما حدث قد حدث....لن تتراجعاسرائيل عن قرارها بأعادة ترسيم الحدود لتأمين حدودها الشمالية ولا تتبادل اسري مع حزب الله....وبالتالي لن يتوقف حزب الله عن قصف اسرائيل والضربات المتبادلة ستستمر

    ردحذف
  4. غير معرف٧/٢٣/٢٠٠٦

    دون الدخول فى جدال عميق اعلم مسبقا انه لن يجدى نفعا خاصة فى الحديث عن المقاومة ودورها والضرورات الموجبة لها رغم انها لا تكافىء اسرائيل فى قوتها المادية والاعلامية ومساندة الولايات المتحدة لها، ما تبريرك لتصريح عمرو موسى وهو دبلوماسى متمرس قضى الكثير من الوقت فى مباحثات وتفاوضات مع الامريكان والاسرائيلين فى ظل حكومات عربية داعمة للسلام الذى قال فيه ان عملية السلام قد ماتت!؟ هل عمرو موسى الدبلوماسى المتمرس أيضا واحد ضمن القطيع- الشعوب العربية المناصرة للمقاومة - ام انه تيقن استحالة اقرار سلام مع دولة مستعمرة كاسرائيل؟ ثم ما تبريرك لرفض جموع الشعوب - باغلبية لا ينكرها الا من يتغافل عن الحقائق ولا يقرها - العربية والاسلامية اقرار السلام مع الشعوب؟ ثم هل الحكام الذين تحدثت عنهم والذين يؤثرون الامن والبناء على الحرب والدمار هم حقا حكام لهذه الشعوب ؟ قبل ان تقر اوضاع خاطئة وتجعلها من المسلمات يجب ان نقر حقائق اصيلة اولها ان ادع للشعب حرية اختيار السلام مع اسرائيل من عدمه والا يصبح قمعكم للشعوب مماثلا لقمع الحكام واستهزائكم بارادتهم وقناعاتهم مماثلا لاحتقار الغرب لنا لا لشيء سوى لانه لم يرى للشعوب العربية نهضة حديثة او تقدم حقيقى فى مجال واحد من مجالات الحياة ، وكل هذا لا يعود سوى لانهم يدعمون جهلنا عبر انظمة ديكتاتورية يركلونها ثم يتساءلوا بهدوء .. لماذا تبكون ايها الهمج؟

    رؤيتك حتى من منطلق دوافعك الفكرية هى رؤية قاصرة تماما لا تدعم الحرية ان ارتبطت بارادة الشعوب فيما لا تحب - الحرب- حتى لو اعلنت هذه الشعوب انها ستتحمل نتيجة اختيارها

    ثمة تناقض ما فى كل ما كتبته دون استثناء !

    ردحذف
  5. غير معرف٧/٢٣/٢٠٠٦

    عفوا تصحيح ... جدل عقيم .. ليس عميقا باى حال

    ردحذف
  6. عزيزي أحمد

    ثقافة العنف .. ثقافة السلام

    الأفراد المضهدون والمكبوتون الذين يدركون حاجة الجماعة للقوة ويتحسسون شعورها بالذل والقهر والمهانة ويتقمصون الشخصية الجمعية بطريقة هيستريائية ، يدركون أهمية تعميم الخوف وتحطيم عنفوان الأقوياء المتغطرسين ، فيبحثون عن وسائل ذات أثر نفسي وإعلامي ضخم يستطيعون استخدامها ، وتعبر عن مقدار كبتهم وأزمتهم الداخلية والخارجية .. فيتجهون نحو هدف مباشر هو العنف ، يستخدمون القوة في مناطق مؤذية لأي كان وبشكل عشوائي ، بينما القوي يستخدم القوة بشكل مدروس وباتجاه هدف محدد ، يقوم الضعيف المرهوب بعكس شعوره بالضعف بممارسة القوة والعنف والوحشية تجاه أي هدف يحقق إثارة الذعر والهلع في أوساط القوي الذي لا يستطيع منازلته.
    أثناء حرب تحرير الكويت كان الفلسطينيون يهللون للصواريخ التي تسقط على المدن الإسرائيلية ، وكان البعض يقول اقتلهم حتى لو قتلتنا معهم .. وفي إسرائيل ومجتمعات متعاطفة معها كان يحدث العكس ، وعندما تقصف المخيمات أو بغداد تنقلب الصورة وهكذا .. فالمسألة تبدأ وتنتهي عندما نسقط من وعينا قيمة الآخر وإنسانيته فنتحول إلى وحوش معادية له فيرى الآخر صورته فينا ويعكسها علينا .. إنه الحقد الأعمى والرد العشوائي الهمجي . ويأتي إلينا من يسأل لماذا يكرهوننا .

    إن السياسة هي أداة الفعل الأساسية التي يملكها البشر لمواجهة ظروفهم الفردية والجمعية ، والتي أوجدها انخراطهم في العيش ضمن تشكيلة اجتماعية حديثة الطابع . وكل شيء يبدأ من السياسة ، وبدون إصلاح السياسات لن تنجح مهمة إصلاح الاقتصاد و لا الثقافة ولا نظم العقل ومناهج التفكير ..

    نعم نحن بحاجة لشيء يسد الفراغ و يملأ الفجوة بين الاقتصاد والسياسة التي خلقها الاجتياح الاقتصادي للحدود القومية بسبب العولمة ( تطور الاتصال والتواصل – توحد سوق الإنتاج والاستهلاك ) وهو هنا تطور مقدسات وثقافات جديدة تحتضن الواقع الجديد وتنعكس فيها قيم الإنسانية الرفيعة . لكن الوصول إلى هذا الشيء يحتاج لمناخ من الحريات وأجواء من الحوار وهذه مهمة سياسية بامتياز ، حيث لا يمكن حدوث ذلك في دول القمع والمنع والتعذيب والاحتكار.

    علينا أن نعالج الإرهاب بالمزيد من الديمقراطية و أن نعالج التعصب بالمزيد من الحوار وأن نعالج العنف بالخلاص من الكبت والفقر والحرمان . وبعد ذلك على الشعوب التي نالت حقوقها وحصلت كرامتها أن تعيد النظر بتراثها وثقافتها وتنقيهما مما يحملانه من رواسب تقوض أسس الحوار والتفاهم العالمي والاندماج الكوني.

    وإذا كان دين السياسة العملي الممارس فعلاً في المرحلة الحالية هو الفاشية ، فإن الانطلاق من المفهوم الديمقراطي للحقوق والسيادة والشرعية سيختلف كثيراً عن الانطلاق من المفهوم الثوري ، وسوف يؤدي إلى وجهات نظر ومواقف مختلفة جذرياً عن تلك التي نحصل عليها فيما لو انطلقنا نحن أنفسنا ، بما عليه تكويننا ومصالحنا وظروفنا ، بطريقة أخرى وأسلوب آخر ، فإرادة التغيير المتوفرة لدى الغالبية يختلف تعبيرها وخطابها وسلوكها فيما لو انطلقت من موقعين فكريين مختلفين ، الأول ثوري ، والثاني ديمقراطي .. الأول جمعي وهمي كاذب ديماغوجي طبل منفوخ يقرع بصوت مرتفع ، والثاني فردي حقيقي متواضع وصادق .

    نعم للمقاومة أصول كما أن للسلطة حدود، وفي الحالتين لابد وأن تأتي مصلحة المواطنين في المقام الأول.
    لن نستطيع أن نتخلص من الكيان الصهيوني بثقافة الصوت العالي، ولكن بإستخدام لغة الحوار وأدبياته الغربية حتي يفقهوا مانقول.

    أحييك علي فهمك "العميق" ووجهة نظرك الناضجة.
    ودع الديماجوجيين يحملون الشعارات ويهيمون حول إطار النرجسية والمعارك الوهمية.

    خالص تحياتي

    ردحذف
  7. اتفق معك تمامًا أنه يجب بحث طرق للوصول للسلام وليس خلق مزيدًا من العنف. تحياتي، وأستأذن في استخدام البانر

    ردحذف
  8. جادو:

    أفكارك مسبقة.. وطالما ترى أن الجدل عقيما من قبل أن يبدأ .. فلا حديث


    طبيب نفسي:

    مش رد سريع انت عايز قعده

    بيست بوى

    البانار سيكلفك حوالي 34 سنتا في الأسبوع
    بهزر طبعا
    :)
    ... خده من غير استئذان

    تحية .. و تقدير

    ردحذف
  9. عزيزى أحمد
    أكثر الأشياء التى تضايقنى فى هذه المظاهرات هو حرق الأعلام والبصق عليها ودوسها بالأحذية أوظهور أشخاص ملثمين بملابس وأسلحة بدائية يركضون فى الشوارع ويطلقون أعيرة نارية فى الهواء ,اطفال ببنادق خشبية, طريقة هستريةوغير مجدية للتعبير عن الرأى.
    أوافقك على وجهة نظرك والبانرات والفكرة ممتازة وراقية
    تحياتى

    ردحذف
  10. أه نسيت أشكرك على البانرات.........
    ألف شكر يأحمد

    ردحذف
  11. غير معرف٧/٢٤/٢٠٠٦

    يا ريت تحط كلامك أو حتى رابط و ملخص في تعليق عندنا عشان المنظمين و اللي كتبوا الدعوة يشوفوه و يمكن حد فيهم يرد أو على الأقل يستفيد.

    غالبا كل مجموعة هيبقى عندها ردود مختلفة على موضوع نعمل ايه في اسرائيل (ده بافتراض قدرتنا أصلا) و كل مجموعة هيبقى عندها رؤية مختلفة على ايه الموقف المصري المطلوب.

    أنا مثلا شايف أن الحل الوحيد للقضية الفلسطينية دولة واحدة ديمقراطية علمانية، مع فترة يكون فيها انحياز شديد للاجئين و المحتلين (فرص أكتر في الجامعات و الوظائف الحكومية مثلا)، لكن مش شايف أن النضال السلمي الغير مسلح ممكن يوصل لأي حاجة في القضية الفلسطينية.

    طيب غيري شايف الحل الوحيد طرد الاسرائيليين، يا ترى ممكن نقف مع بعض في مظاهرة؟ ممكن لأني مش شايف الموقف ده موقف عنصري، شايفه موقف غير مستحب و غير عملي لكن لو تحقق هنبسط.

    طيب لو الموقف ابادة اليهود من على وجه الأرض، أه ده مرحبش بوجوده معايا، بس مش مستبعد ألاقيه موجود، لو ده مش موقف الأغلبية في المظاهرة ولا موقف المنظمين يبقى هبلعه و خلاص.

    طيب دور مصر، أنا مثلا شايف أن أقل واجب نقاطع اسرائيل اقتصاديا زي ما العالم قاطع جنوب أفريقيا أيام الاحتلال العنصري، ممكن نبطل نحللهم مشكلة الطاقة و نبيعلهم غاز و بترول مثلا، غيري هيطالب بالسماح ليه بالانضمام لصفوف المقاومة (و هيسميها فتح باب الجهاد) و غيره هيطالب بتحرك عسكري، و غيره هيطلب طرد السفير (اللي مهواش الوسيلة الوحيدة للتواصل مع العدو ولا حاجة، ممكن نبعتلهم ايميلات عادي يعني).

    أنا بحاول أقول أن في أزمة دائما في الفعاليات الجامع لأطياف كتيرة دي بتخلي صعب تبقى الرسالة محددة جدا، طبعا ده محتاج مناقشة طويلة في مدى جدوى فعالية من غير رسالة محددة بدقة و مدى جدوى وقوف الناس المختلفة مع بعض عشان نقدر نوزنها، و بماأننا لسه أصلا متناقشناش في مدى جدوى مظاهرة تضامن مع المقاومة في وضع أحنا فيه عاجزين عن تحقيق مكاسب سياسية محلية فالعملية هيصة.

    من ناحية تانية دور المنظمين أنهم يحاولوا يوصلوا لصيغة تجمع متفرقش و تلم أكبر كم من الناس تحت رايتها، بس ده لازم يتم وزنه مع هدف تاني و هو خلق حالة مستمرة.

    يعني ايه؟ يعني أنا ممكن أنظم مظاهرة كبيرة قوى ضد الارهاب بعد أي تفجير لو ما أدنتش فيها تخاذل و انشغال الداخلية و مجيبتش سيرة التعذيب الجماعي كرد فعل للعملية و الحاجات اللي من النوع ده، بس غالبا الناس اللي هتشاركني في المظاهرة الكبيرة دي مش هتشاركني في شغل تاني أنا مختلف في مع الحكومة و لا حتى في شغل تاني ضد الارهاب بعد الموضوع ما يهدى و يتنسى.

    في تقديرك اللي صاغ البيان و البانر محققوش التوازن المظبوط، أنا متفق معاك في أن الخطاب الاقصائي بتاع لا عذر لنا و لا خير فينا ده بايخ و ملوش لازمة و يمكن ضار كمان، و دلوقتي خدت بالي أن بانر اتفوه ده internal reference الي حد ما.

    بس أنا تكاسلت و مقلتش رأيي ده للمنظمين و محاولتش حتى أغير الصياغة بنفسي و خلاص، (غيرت البانر الأساسي).

    ردحذف
  12. غير معرف٧/٢٤/٢٠٠٦

    لا يكون مش واضح، الحتة بتاعت أنا تكاسلت مقصود بيها أنا مسئول مسئولية أساسية عن الخطأ ده.

    في نفس الوقت أنا شايف أن خطاب نرمي السلاح في الزبالة ينفع في مظاهرة قوامها من جنس المحتل أو من شعب افترض أو اعتاد دعمه للمحتل، مش هنصح المقاومة أنها تستغنى عن سلاحها طبعا. و الكلام العايم عن السلام و عدم الحرب و السلام ملوش معنى، لو فيه أسرى و فيه حصار و فيه لاجئين و فيه قوانين عنصرية و فيه احتلال و مستطونات يبقى مش الأزمة في وقف العمليات العسكرية و بقاء الوضع على ما هو عليه. و للأسف ده الاحساس اللي بيديهولي البانر بتاعك (طبعا المسألة مش بالبساطة دي، موقف لبنان مختلف عن موقف فلسطين).

    ردحذف
  13. كلامك منطقي و فيه كتير يستحق التفكير زي مثلا إنا فعلا نجهل كل شئ عن إسرائيل و الفرق بين التطبيع و المعرفة

    إنما "و في هذه الحاله هل يستحقون البصق لأنهم أمنوا شعوبهم و بلادهم من الانجراف في الحرب التي لم يخطط لها سوى سماحة حسن نصر الله...؟ لا أظن ذلك"ا


    أعتقد إن ملوك و رؤساء المنطقة يستحقون الاحتقار فعلا...و مش باتكلم عن إعلان حرب أو فتح أبواب الجهاد
    مفيش أي رد فعل قوي أو محترم خرج للضغط و التأثير على قوى المجتمع الدولي للضغط بدورها على إسرائيل ووقف الحرب الدموية
    الحكام العرب على اختلافهم ما امتنعوش عن الضغط لتأمين شعوبهم و تجنيبهم ويلات حرب، فقط هي خطوة محسوبة للمحافظة على العلاقات بين أمريكا و الأنظمة الموجودة حاليا
    النظم ما تحركتش بأي دافع إنساني لوقف المجزرة و أعتقد إن ده فعلا يستحق الاحتقار
    هل ده هو المقصود من بانر المظاهرة؟؟ ربما

    ردحذف
  14. غير معرف٧/٢٤/٢٠٠٦

    احمد
    انت اخدت العملية جد
    هي المظاهرات تقريبا عبارة عن رحلة، وساعات بتبقى زي خناقات المدرسة مع المدرسة المجاورة.
    واضح انك مكانش ليك نشاط مدرسي :)
    أو أنك اتعلمت بره، أو كنت في مدارس أي جي سي

    ردحذف
  15. علاء الـ ١٦

    لأ.. مش في مصر.. المظاهرات هنا بيكون فيها ناس كتير مثقفة و متنورة.. و ما ظنش بيحصل أعيرة في الهواء... الكلام ده في الضفة

    بس حرق الأعلام فعلا تصرف مزعج إلى حد كبير و بالذات من جهة لا تملك سوى حرق العلم
    الموضوع الي عندك رائع كالعادة.. و أشكرك ع البانرات





    علاء

    زي ما قلت ما حطيتش روابط احتراما لجهود الناس و منعا لهدم الأفكار

    العملية فعلا هيصة.. كلامك بيؤكد رؤيتي... الفصائل السياسية عندها حالة عجز.. و عايزة تتجمع على أي حاجة.. لكن أوقات ده بيضر مش بيفيد... و خصوصا لما الناس تقف في مظاهرة كل منهم له رأي في القضية كما ذكرت...ده بيفرض اتجاه الأغلبية... إللي أوقات كثيرة ما بيكونش مظبوط قوي... فمثلا... لو الناس بتوع إبادة اليهود دول ظهروا.. صوت معتدل زيك .. حيعمل إيه؟ غالبا حيكمل مشي عشان المظاهرة تنجح... و في الحالة دي انت بقيت محسوب عليه هو.. لإنه الأغلبية...

    أنا شايف إنه لا ضرر ان المظاهرة تطلع بهدف محدد وواضح في المواقف و كيفية التعامل مع الحدث... و اللي مش عاجبه .. يعمل تحرك خاص بيه... مش كل التيارات تدعم بعض لمجرد اثبات اننا "تيار" يتحرك أمام العدوان السافل

    أنا باتمنيي .. انك تكون ما بتشاركش إلا في اللي انت مقتنع بيه بنسبه كبيرة. سيبك من الحسابات السياسية و الاهداف...و سيبك من الناس اللي بتعمل "شغل" في قضية كذا أو معركة كذا.. أنا من معرفتي لك .. و قرائتي لكتاباتك.. أؤكد أن أصوات كثيرة تتحدث بين الفصائل و انت لا تدعمها.. و لكنك تقوم بذلك من باب التجميع و ليس التفريق.. و أنا اتفهم ذلك.. لكنها لعبة في غاية الخطورة.. لأنها ستصب في اناء غير إنائك...

    البانارات:
    نعم... أدعوا المقاومة أن ترمي سلاحها في الزبالة.. لأنه سيقتلها قبل أن يقتل العدو

    إن كان معاك زلطة و عدوك داخل عليك بدبابة... أرجوك سيب الزلطة من إيدك .. و فكر لك في أي وسيلة تدخل بيها الدبابة قبل ما تستفزة و يموتك.. و يموت أمك و جيرانك.. و كباريك.. و محطة كهربتك...

    و سأسأل السؤال مرة أخرى: هل حزب الله مقاومة؟ لقد أراد أن يكون مقاومة ففعل فعلته... أنا عمري ما فهمت دوره إيه بعد اتفاق الطايف...


    أرابسك

    شكرا ع الزيارة..
    تفتكر لما كتبت الكلام ده كنت باحيي زعماء العرب؟
    طبعا لأ...
    بس باقول المشكلة مش بس فيهم لانهم فشلوا في عمل أي ضغوط
    و لكن في العرب الذين هم كشعوب عجزو عن كسب العالم إلي جوارهم طوال ٥٠ عام... علما بان الغرب مصالحه معنا أكثر من اللي ما يتسموش
    رحم الله الامام علي حين قال:
    أعجز الناس من عجز عن اكتساب الإخوان، وأعجز منه من ضيع من ظفر به منهم)

    ردحذف
  16. من كام اسبوع كده، كان علاء ومالك بيتكلموا عن اضراب ومظاهرة عشان شرقاوى وكريم،

    انا بالنسبة لى عندى يأس كبير من ناحية المظاهرات، وقلتلهم يعنى هى هتفيد بإيه.. لو اضربتوا عن الطعام هيسبوكوا لما الجوع يقرصكوا وتروحوا تاكلو

    بس مالك وعلاء كان عندهم فكرة تانية خالص، هما كانوا بيعملوا كده عشان معنويات كريم والشرقاوى، لما بيروحوا يزروهم ويقولهم عملنا وقفة ماحضرهاش غير خمسة ستة، كانت معنوياتهم بتقل جامد، بعكس لما يشعروا فى حبستهم ان الناس لسه واقفة معاهم ومعنوايتهم ترتفع

    يعنى من باب الدعم المعنوى للبنانيين يا احمد.. واللى اكيد هيفرق كتير، يهمهم يعرفوا ان اخواتهم فى مصر وفى اى دولة عربية بيعلموا مظاهرات عشانهم، وينددوا بالعدوان الاسرائيلى

    لا اتوقع اى تأثير للمظاهرات هنا ابعد من ان خبر عنها ييجى فى الجزيرة واللبنانيين يشوفوه.. انما لا طرد سفير ولا جهاد ولا حرب ولا افلام من دى ممكن حتى حد يسمعها..

    انا كمان معاك فى رفض الحرب.. لا ندخل فيها الا اذا فرضت علينا.. انما كمان المجد للمقاومة.. لأن المقاومة لا تقتصر وسائلها على الحرب فقط

    ردحذف
  17. غير معرف٧/٢٤/٢٠٠٦

    و اللي بقوله أن كلامك مش هدام و ممكن يفيد، لو الناس هدفها أنها تنظم حاجة تجمع أكبر قدر من الناس يبقى محتاجة تسمع لكل الأصوات اللي مشتركة على الأقل في الايمان بعدالة القضية الفلسطينية و ادانة اسرائيل و أهمية الصراع اللي بيجرى جنبنا ده.

    على العموم نبقى نقولهم على الرابط.

    مش هضحك عليك و أقولك أن الأمور عندي واضحة، المشاركة في مظاهرة فعل بسيط و بالتالي ممكن أعمله من غير ما أبقى مطمئن لكل حاجة ولا موافق على كل تفصيلة، المشاركة في تنظيم حاجة ده موضوع تاني.

    خلينا نقول أنه في المطلق أنا مؤمن بالنضال المسلح ضد المحتل و منيش رافض للعنف في المطلق (ولا حتى ضد ظالم محلي مش ضد محتل)، و أني انسانيا لا أتعاطف مع المدنيين الاسرائيليين الا الأطفال منهم اللي عايشين خارج المستطونات و معتبر ايديولوجية المقاومة شأن داخلي و بالتالي معنديش أي غضاضة في التضامن مع حماس.

    حزب الله موضوع أعقد، لكن في النهاية أنا برضه متضامن معاهم (بس متفاهم تماما اللبنانيين اللي مغلطينهم) و ان كنت لن أدعي أن عندي رأي قاطع بس تقدر تقرأ رأيي في تدوينة "النضال هو النضال".

    يعني معنديش نقاط خلافية فظيعة مع المظاهرة دي و لا مع من سيشارك فيها، خطاب الجهاد الاسلامي هيضحكني بما أننا قاعدين في التكييف و بنقول كلام جامد و السلام، الشعارات القومية هتتكلم عن عصور من البطولة عمرها ما حصلت و هيجي حد يتكلم عن العرب و بعدين يجيب في سيرة صلاح الدين متجاهلا أن صلاح الدين كان كردي و أن العرب فاشخين الأكراد و هكذا (بس عادي دي أساسا أزمة ابداع و مع زيادة المشاركة بتتحل، مثلا مظاهرات كفاية تلاقي الناس بتردد شعارات محناش قدها من نوع ابعت هاتلنا ميت عربية و أحنا عربيتين كافيين لقمعنا).

    بما أن اعتراضي أساسا على الأداء مش على الأفكار و المواقف الأساسية يبقى ممكن أشارك و أحاول أحسن الأداء، مرة وراء التانية ده بيحصل (بلا فخر يعني).

    شوف أنا متفائل و مقتنع و مشارك و بقولك أنها هيصة، و أي حد محترم مشارك معانا معترف أنها هيصة، أدينا بنحاول و بنتعلم.

    لا ضرر طبعا من مظاهرات محددة عن كده، ممكن نعمل دي و نعمل دي. لو أخدني الغرور شوية هقولك أن فعاليات 30 فبراير بتكون في العادة برسالة محددة و واضحة و بيبذل جهد في الحفاظ على ده حتى بعد مشاركة الآخرين اللي بالضرورة جايين يعبروا عن نفسهم و هيختلفوا عن المنظمين، بس الواقعية تحتم علي أني أعترف أن فعاليات 30 فبراير برضه محدودة العدد و التأثير و دورها أساسا أنها تطرح تجارب الناس تستفيد منها في التحركات الأوسع.

    عموما أحنا باين علينا مختلفين، أنا مبسوط جدا من حالة الهيصة و الفوضى دي و مستني البلد تبقى ويكي كبييييرة و أقعد أشخبط عليها.

    ردحذف
  18. احمد واضح انى وصلت متأخر لمدونتك بس كنت بكمل النقاش الداير ده فى مناطق تانية

    واضح ان الازمة عندنا بقت فى الخطاب المستخدم طول الوقت واللى انا شايفه فاشى وقلت ده قبل كده عندى فى المدونة وهو خطاب من الاساس يحمل كل ازمات المجتع من ذكورية لعنصرية ولو المفروض اننا بنطرح اننا بنعادى الحكومة فلازم علينا نعادى الخطاب ده مش نأكده

    انا اتكلمت كتير فى موضوع لبنان ده فى حتت تانيةلحد خلاص ما جالى كالو فى دماغى لكن الغريب هو حالة اتهام الناس دائما بالعمالة انا منكرش حزنى من اخر قطعة كاتبها واللى حسيت فيها انك بتبرء نفسك واللى كلنا عملناه فى اماكن مختلفة . اى مجتمع ممكن نبنيه والحوار بادى بانك لو مختلف فانت عميل وانهزامى وووو بجد انا حزين

    النهاية لكل الناس اللى بتتكلم عن حزب الله ما لا ارضاه لمصر او بلدى لا ارضاه لغيرى وهنا السؤال من منا يرضى بوجود جماعات مسلحةعلى ارضه هل يرضى احد ان تتحول مصر لجماعات مسلحة وياريت محدش يقولى انه علشان الاحتلال لان جنوب لبنان تم تحريره ومزارع شبعا عليها خلاف كونها سوريةام لبنانية من الاساس

    فى نهاية النهاية واسف على الاطالة العمل السياسى لايقوم بفكرة العداء ولكننا نخلق معا عالم افضل لنا باختلاف مصالحنا ولكن لازالت الحركات المصرية تدعو لكل فاعلياتها بمنطق العداء

    اسف على الاطالة

    ردحذف
  19. كلامك فيه كتير من المنطق..لكن اعذرني لو انا شايف انه منطق مشوش
    اسرائيل دوله دينيه..ومش من مصلحتها ان يبقي في سلام في المنطقه,بالعكس تماما طول ما العرب مشتتين وغير متوحدين حتي علي فكره او ايدولوجيه وهدف واحد, من مصلحتهم ان يبقي فيه توتر, ان يبقي في سبب وجيه يخلي الناس اللي بتدفع ضرايب في امريكا مثلا يمدوهم بالمعونات العسكريه والاقتصاديه ويضمنوا ليهم تفوق كاسح, اسرائيل من مصلحتها ان يبقي في خضوع وخنوع من العرب اكتر واكتر, ان يبقي احساس الضعف وعدم القدره علي مجابهة اليهود هو الشعور المسيطر.. لاحظ خطابهم الاعلامي الايام دي بالذات, ومحاولتهم توجيه اللوم علي حزب الله كأنهم مخابيل لمجرد تفكيرهم في التحدي..(لو ماكنوش خطفوا الاتنين العساكر ماكوناش دمرنا لبنان), مع ان في الحقيقه مفيش سبب مقنع يخليهم يبدأو بضرب المدنيين وشل الحياه في لبنان كلها غير ان دي خطه او علي اقل تقدير خطوه في سبيل تحجيم الدور الايراني في المنطقه..والتاكيد علي ان اسرائيل لا تقبل وجود اي قوه تانيه ممكن تهددها او حتي تعاملها بالمثل
    المهم
    الحل الوحيد لينا هو التسلح بالعلم, مش التخلي عن سلاح المقاومه مهما كانت اتجاهتها السياسيه

    ردحذف
  20. بنت مصرية

    معنويات؟؟
    معنويات الناس إللي أولادها بتموت ..بينامو تحت صوت القذيفة اللي ممكن تسقط عليهم في أي لحظة في ليالي الضرب الطويلة... لن يحسنها مظاهرة... المظاهرة حتحسن معنوياتنا احنا.. و تحسسنا اننا عملنا حاجة... و مش عاجزين....

    علما باننا عاجزين إلى أبعد مدى

    .. ماهم عارفين ان آخرة الشعوب العربية... انها حتمشي و تصرخ و تحنجر - مش قصدي ع المظاهرة دي الذات - لكن هم محتاجين (دعم) حقيقي... و ده مش حيحصل إلا لما بلداننا تتحول لقوى صغيرة ليها كلمة وصوت.. و انتاج..و اقتصاد مش متواكل
    معنوياتهم حتزيد لو حسوا ان لهم ظهر فعلا.. و ظهر قوي

    .........


    علاء


    أنا في حالة ما مرِّتش علي قبل كدة
    و هي اني متفق معاك بنسبة ٩٠٪ في اغلب كلامك (باستثناء موضوع العنف ده) ... لكن في نفس الوقت مختلف معاك ١٠٠٪ في مسلكك .. و الطريقة اللي انت شايف انها بتخدم افكارك... الجهود اللي انت بتبذلها ما بتخدمش أي من اللي انت قلته...
    صحيح بتجمع ناس اكثر حواليك.. لكن ناس ليها اتجاهات غيرك تماما.. و اوقات مضادة...و زي ما قلت قبل كدة جهودك بتخدمهم أكثر ما بتخدمك...و التغيير اللي بيحصل - انا كمتابع - شايفه بيحصل للاصوات المعتدلة ... و مش العكس

    لكن أهي تجارب... و أنا خايف منها


    Animal

    ايه علاقة الدول الدينية بالسلام؟ماهو معنى كلامك ان حزب الله بردو مش مش من مصلحته يبقى فيه سلام في المنطقة - أنا اعتقد في ذلك -
    يس انا باحاول افكر بشكل مختلف عن الافكار المطروحة من الاربعينات...

    ١- هل بالضرورة اسرائيل دوما تسعى للحرب؟ اعتقد ان نسبة الاصوات اللي بتطالب بالسلام هناك أعلى من عندنا بكثير .. أنا اعرف حزبين اسرائيليين ع الاقل اجندتهم مبنية على اقامه سلام مع العرب.. و تسوية الاوضاع المعلقة .. هل عندنا حزب واحد موافق على السلام مع اسرائيل؟

    نحن كمان دعاة حرب من يوم ما اتولدنا يا عزيزي مش هما بس...

    ٢-مصلحتنا و مصلحتهم تكمن في اقامة سلام في المنطقة.. احنا حنستفيد من مواردنا لحد أقصى .. و نبطل سباق التسلح الوهمي ده... و هم سيحصلون على اضعاف المعونات الحالية التي ستهدَى للشعب الاسرائيلي الذي (يبدأ) في الاستقرار أخيرا

    هما مش حيغلبوا يا أنيمال.. هم أشطر مننا للأسف

    ٣ - هو ليه ما حدش قادر يتصور ان الحرب الحالية مش شرط تكون خطة و مؤامرة مسبقة التجهيز...احنا ليه جهلنا بيهم مصورلنا انهم بآلتهم العسكرية الاسطورية ما يقدروش يجتمعوا و يخططوا و ينفذوا وفقا للمستجدات في ليلة واحدة.. العسكرية كدة...خطة و تحرك سريع...

    و حزب الله - في رأيي- هو السبب .. لم يكن ذلك سيحدث لولا ألعابه السياسية..ما نريحش نفسنا و نقول أصلها متخططة من الاول و كان حيحصل حيحصل...




    شكرا يا انيمال ع التعليق... و شرفت بعد غيبة

    ردحذف
  21. صحاب

    أنا متابع كتاباتك...
    لكن واضح ان ناس كتير بتشوف آراء من النوع ده انها رومانسية... أو حالمة... و ان ده مش وقتها و لا مرحلتها

    و انا متفهم ده لإن شعور الثورة و الغضب عادة ما يطغى على اي شعور حوله

    بس سؤالي - امتى حتيجي مرحلتها؟
    امتي حيتجدد الخطاب.. و تيجي ناس تطرح افكار جديدة من غير ما يبقوا عملاء و انهزاميين؟

    مش عارف

    تحية

    ردحذف
  22. غير معرف٧/٢٤/٢٠٠٦

    الافكار المسبقة تعنى ما جاء فى مضمون كلامك ويستنتج منه بلا شك انك ضد الحرب تحت اى اسم" جهاد- مقاومة" اذا فمناقشتها هى نوع من الجدل العقيم هذه واحدة

    الثانية: هناك راى يختلف معك فيما تطرحه ويدلل على رايه بامثلة واقعية لمن انتهجوا نفس رأيك قبل ذلك وثبت عدم واقعيته فى التعامل مع طرف متعسف كاسرائيل .. اعتقد انها افكار غير مسبقة تحتاج لرد او لصمت .. ام انها افكار مسبقة ايضا تدفعك لعدم الرد!؟

    ردحذف
  23. جادو
    الحوار مفتوح... و الكل يرد على بعضه... طالما لا يبدأ من منطقة أن الحوار الآتي سيكون عقيما

    أرحب بك... و مستعد للرد... إن كان فعالا.. و هدفه فتح اراض و مساحات و أفكار جديدة

    تحية

    ردحذف
  24. اديك قلتها..العسكريه (خطه) وتحرك سريع

    محدش قال انهم كلهم دعاة حرب, زي ما في هناك دعاة سلام, في دعاة سلام هنا كمان..انت مثلا

    لكن السلام عمره ما بيتحقق بين طرف محتل وقوي وطرف ضعيف مسلوب الحق والاراده, صعب قوي ان دا يبقي اسمه سلام عادل..ممكن هدنه انما مش سلام, لان الاصل في السلم هو العدل, ودا عمره ما هايحصل الا بتنازل اسرائيل عن الارض العربيه المحتله

    اسرائيل دوله دينيه يعني زيها كدا زي ايران, يعني ماينفعش نحمل حزب الله المسؤليه من غير ما نحملها لاسرائيل معاهم,والحقيقه ان السبب في اللي بيحصل في لبنان ده كله هو التخاذل العربي.. مش حزب الله ولا اسرائيل

    وانت زي ما بتقول هما اشطر مننا, واحنا هانريح نفسنا ونقول ان حزب الله هوه السبب مش تخاذلنا وضعفنا

    بالمناسبه صحيح, عايز تعرف حزب مصري موافق علي السلاممع اسرائيل وكمان بينادي بيه وشايفه الخيار الوحيد ؟
    الحزب الوطني

    مصلحتك تختلف تماما عن مصلحة عدوك

    العفو
    صباحه

    ردحذف
  25. أحييك بشدّة على الكلام... كُنّا في مناقشة مثيلة على مجموعة بريديّة لمدوِّنين...
    فعلاً.. السؤال هو ما هي "المقاومة"؟
    وما علاقة هذا بـ٢٦ يوليو؟
    ولماذا تطيش معظم صواريخ حزب الله؟

    ردحذف
  26. Thank you very much for this post.
    Nice to know that I'm not the only Egyptian thinking this way.

    ردحذف
  27. غير معرف٧/٢٥/٢٠٠٦

    >أنا في حالة ما مرِّتش علي قبل كدة

    طب دي حاجة لطيفة خالص، بتمر بتجارب جديدة أهه يعني مش حارمك من حاجة :-)

    بس موضوع العنف ده مش 10% من كلامي بس، لكن هنكشيها 90%

    المشكلة في رؤيتك لجهودي أنك محسسني أن أنا حاجة مركزية و بتجمع الناس، و ده مش صحيح بالمرة، أنا في الطرف تماما و متجمع على ناس تانية و الناس التانية دي عندي مليون اعتراض على أدائهم و ساعات بتخنق منهم، لكن أنا أكسل منهم و مش واخد المسألة جد زيهم و بالتالي استعدادي لتغييرهم محدود.

    يعني من الآخر أنا اخترت دور صغنون و مسلي في وسط اللي موجود دلوقتي و خلاص، أنا متفق معاك في أن مطلوب بديل مختلف تماما بس ده مجهود شاق جدا و أنا مش قده (أو مش طالبة معايا).

    و جزء من مشاركتي اليومين دول هو مجرد انتظار لحد يبدأ مشروع البديل ده.

    بس الخبرة المحدودة اللي اكتسبتها السنتين دول بتقوللي أن حتى اللي هيبتدي يعمل بديل جديد خالص لازم يشتغل مع الناس اللي بتتحرك دلوقتي، بمشاكلهم و بلاويهم (اللي الأخوان مهماش أسوأها، عندك مثلا مصطفي بكري و طلعت السادات و الغزالي حرب و عزيز صدقي و هيصة).

    و بعدين أصوات معتدلة ايه؟ يا راجل دأنا متطرف تماما و شايف أن المفروض اللي بيستخدم ويندوز يتحاكم و المفروض البنزين سعره يوصل 5 جنيه اللتر. و المفروض المتظاهرين يشيلوا شواكيش و يقتلوا ظباط الأمن المركزي و أمن الدولة في المظاهرات و المفروض البنات تشيل ابر تريكوه و تخصي اللي يعاكسها في الشارع و هكذا، أنت متفائل في قوي.

    ردحذف
  28. علاء

    اعترف اني شايل منك شوية لإني كنت مقتنع بكلامك.. و جهودك.. و نفسي أعمل أي حاجة و اساعد... ثم على غفلة كدة لقيتك اخوانجي...

    أنا مش عنصري تجاههم و الله...ده أنا باحترم دورهم بشكل ما...

    لكن باحزن من المساحات اللي بياخدوها في حياتنا و اصدقائنا يوم عن يوم


    عارف ان ده بره الموضوع.. لكن طلبت صراحة

    اشكرك

    .....................
    د. أحمد

    الحرب بسبب مسلمات .. مش مقتنع بيها... و موضوع من النيل للفرات ده زمانه ولى.. هم مش عاوزين يفتحوا على نفسهم مصايب جديدة...
    المستوطنات لما عملت مشاكل :فكوها.. و سينا خلعوا منها لإنهم ما قدروش عليها و علينا.. و لبنان في ٨٢ الدبابات كانت محتلة بيروت.. و ناس زيك قالو.. و لسة الدور على مصر و العراق.. و طبعا سابوا لبنان .. و الجنوب.. و حيخرجوا من الأراضي اللي دخلوها دلوقتي كمان..

    ليه؟ مش لإنهم حمام سلام...
    لكن لإنهم أذكياء..
    مش محتاجين لكل الجبهات دي عشان شعارات..
    هما مش قادرين يأمنو ال٧ مليون اللي عايشين في نصف فلسطين.. تقوللي من النيل للفرات؟ حيعملوا بيها إيه؟ حيعمروها ازاي؟ جيش قد إيه حيؤمن الأراضي دي ؟ فبلاش اساطير و خلينا عمليين

    و موضوع ننزل نبوس و نطاطي ده.. معناه انك ما قريتش كلامي خالص...

    صباح الفل

    ردحذف
  29. غير معرف٧/٢٥/٢٠٠٦

    أنا متفق معاك في أن مشروعهم مبقاش توسعي خلاص.

    و معرفش ليه الاسلاميين و القوميين واقفين عند حتة المشروع التوسعي دي.

    لكن خطرهم مش في نيتهم احتلال أراضي جديدة، خطرهم في أنهم ذراع للامبريالية، يعني اللي عملوه في المشروع النووي العراقي ممكن يعملوه في المشروع النووي الايراني، يعني لو المصريين انتخبوا حكومة راديكالية (قومية أو اشتراكية أو اسلامية) مش مستبعد اسرائيل تقوم بأعمال عسكرية ضد مصر مش بغرض الاحتلال لكن بغرض قمع معاداة الامبريالية.

    بس، عموما العملية هتحل نفسها كلها عشر سنين و بدائل البترول تنتشر و المنطقة فايدتها تبتدي تقل.

    ردحذف
  30. غير معرف٧/٢٦/٢٠٠٦

    بسم الله الرحمن الرحيم

    اولا عشان ابقى واضح و عشان ردود اللى بعدى ميفهمونيش غلط ..
    مش معنى انى بكتب بسم الله الرحمن الرحيم و بشجع المقاومة معنى كده انى اخوانجى و بتاع بقى سيبكوا من المسميات اللى ملهاش لازمة ..

    ثانيا ..

    احمد

    كلامك بالظبط اهو ..

    -----------------------------------
    و قبل أن آتهم بالانهزامية أو العمالة .. أوضح أنني لم و لن أكون من القابلين لفكرة الوجود الصهيوني في المنطقة - نظريا - وأنني أحترم أي مقاومة للاستعمار أو الامبريالية .. أو أي من القوى التي تفرض إرادتها و أفكارها علي الشعوب... و لكن المقاومة لها أسس و أصول.. و لها حساباتها.. و لديها حس أدنى من تقدير الخسائر و المكاسب... و لا تقامر بأرواح لا أفرادها.. و لا المواطنين الآمنين الذين بذلوا سنوات من عمرهم الماضي في حرب ضروس ما لبثوا أن كانوا قد استراحوا... و لكن المقاومة استكثرت ذلك عليهم
    -----------------------------------

    كلام جميل جدا و قلتلك فى رأى السابق انى متفق معاك فيه ما عدا اخر حتة!
    المقاومة !
    انت عايز المقاومة تبقى ازاى ؟
    يجى حزب الله يقول يا جماعة احنا بكرة هنحارب يالا تيك كير !!
    حرب = تضحيات = نصر او شهادة الا اذا كان هناك من يقبل بالاسر او الهزيمة !

    احمد انا مش بكره اليهود كونهم يهود ولا بكره الاسرائليين كونهم اسرائليين لكن انا اكره اى بنى ادم يعتدى على حقوقى او حقوقك ..
    اللى يعتدى على حقوق اخويا يبقى بيعتدى على حقوقى .. طب ايه رأيك انه اعتدى على حقوقك انت و مش حقوق اخوك .. فاهمنى ؟
    اقولك قصدى ايه .. انت راجل بتكتب فى التاريخ كويس اوى و بجد انا استفدت منك كتير فى كتاباتك التاريخية , طب قوللى كده غزة و رفح دول كانوا تابعين لدولة ايه فى العشرينات مثلا ..
    و هنفضل ساكتين و حتة ورا حتة تتاخد مننا و يناموا عليها ميت سنة لغاية ما ننسى هى كانت لينا ولا للفلسطنيين ولا ليهم !
    اللى اعرفه انهم مش هيسكتوا عن احتلال الارض و تهديد امننا كمسلمين و كعرب و كمصريين و لو ما ساعدناش الدول انها تتحرر بكرة الدور هيبقى علينا ..

    و بعدين انت كاتب
    -----------------------------------
    تقوللي من النيل للفرات؟ حيعملوا بيها إيه؟ حيعمروها ازاي؟ جيش قد إيه حيؤمن الأراضي دي ؟ فبلاش اساطير و خلينا عمليين
    -----------------------------------
    طب يعنى احنا فى اسطورة دلوقتى ؟
    فلسطين و جولان و ضفة نهر الاردن و لبنان و عراق كل دى اسطورة ؟
    امال لو حقيقة هتبقى فيها مين كمان ؟
    سوريا و مصر و السودان
    و متقوليش هيعمروها ازاى .. من امتى دفعوا حاجة من جيبهم .. كله على ماما امريكا ..
    اكلت يوم اكل الثور الابيض ..

    ردحذف
  31. ١- يا د.أحمد.. خطابك اسلامي طبعا.. فبلاش انكار لانه مش عيب.. و السبب مش بسم الله اللي انت بتكتبها طبعا..

    ٢- اقصد الأسطورة هي " من النيل للفرات" و اللي بيحصل دلوقتي مالوش اي علاقه بيها ولا بالاطماع التوسعية

    ٣- الفلوس ما بتعمرش أراضي.. الناس يا أحمد..تفتكر الـ ٦ مليون بتوعهم حيحموا الاراضي دي ازاى؟ و حيقدرو على ١٠٠ مليون عايشين فيها ازاي ، و الرأي العام الامريكي حيوافق يبعت أولادهم و بناتهم عشان يساعدو اسرائيل في احلامها الاستعمارية؟

    ٤ - هم فعلا حيكسبوا حروبهم ضدنا .. لانهم منطقيين.. احنا ما عندناش منطق يا احمد.. عندنا قناعات و ثوابت.. و عصبية... و ده ما بيكسبش حروب..بس بيبدأها

    ٥- علي فكرة الحوار ده كله برة الموضوع .. ممكن في يوم لو فايق اكتب عن اسرائيل .. و كيفية التعامل معها في رأيي من خلال المستجدات و الظروف.. أنا هنا باكتب عن المظاهرة... طالع معاهم؟

    ردحذف
  32. عزيزي أحمد

    أريد توضيح نقطة واحدة تخص آليات الخطاب المغاير.
    كلمة ثورية غالبا مايصاحبها غوغائية الشعبويين، وتداخل الخاص في العام، بل وإستخدام العام لصالح الخاص وقولبة الشعارات ومطها وتعميم وتسطيح الفكرة وتعميم الاعداء، وذلك لغياب المنهج المؤسس...في سبيل كسب عدد أكبر من الاعضاء،وهو مذهب تلفيقي توفيقي مراوغ.
    كما تعلم بالطبع، أن فصل العام عن الخاص هو أمر مبدئي لصنع خطاب تأسيسي خارج عن شخصنة الصراع وبعيدا عن فاشية التفكير والتنظيم.
    فالفاشية تعتمد علي العقل الدوغمائي الذي يفضل تقسيم العالم تقسيماً قيمياً عاطفياً إلى ثنائية استقطابية يوجد فيها قطب خير محبوب وقطب سيء مرفوض .. ويبحث عن آخر يشتمه ويلعنه ويوجه إليه كل الحقد ويحمله مسؤولية كل المصائب ، لكي يصبح هو مصدر كل خير .. هذا شرط أساسي في العقل الدوغمائي لا تتخلى عنه كل الجماعات الدوغمائية
    .
    لو جرى الاعتراف بالخلاف والاختلاف ، ولو تم البحث عن وسائل التفاهم والحوار والتجاور مع الآخر ، فعملية بحثنا عن السلبي في الذات ، والإيجابي في الآخر ، تصبح عملية مدمرة للدوغمائية ، كذلك لو اعتمدنا العقل الموضوعي القائم على البرهان بطريقة التجريب بعد تطبيق مبدأ الشك ، لأنه يلغي ذلك التوتر المفتعل والمضخم والضروري لتبرير العنف الفكري والسياسي الممارس باسم الثورة .


    تحياتي

    ردحذف
  33. يا طبيبنا:

    أعرِّف عملية المط التي ذكرتها بـ" اختزال كل قضية إلى عناصرها الأولية" و كأن الشعب لا يستطيع أن يرى أزمة إن تعددت جوانبها فتجد
    :
    القضية الفلسطينية = نصرة الإسلام
    فساد حكومتنا = يسقط حسني مبارك

    و الأمثلة لا تحصى..بالرغم من أن القضايا أعم و أكبر من ذلك... و لا بد من رؤيتها بشكل أعم.. و محاولة هضمها....

    أول خطوة لإصلاح الخطأ هي الإعتراف به

    و نحن لا نريد أن نرى أعمق من ذلك.. و بالتالي لن نعترف...

    و سنظل ندور في هذا الفلك ال" ثوري" .. إلى ما أراد الله


    تحية

    ردحذف
  34. يشرفنى زيارة مدونتكم....للأسف أختلف مع أراء صاحب المدونة بنسبة كبيرة وأرى رأيى أقرب الى رأى د.أحمد ... ولفت نظرى بشدة النضج الشديد لعلاء فى طرح أفكاره...والأخ الطبيب النفسى لفت نظرى تعصبه الشديد و اهانته لمن يختلف مع لغته المتقعرة

    ردحذف
  35. m4m,
    تشرفني زيارتك أيضا... و لك مطلق الحرية في آراءك.. طبعا

    المدونة دي ما لهاش صاحب .. احنا ٣ صحاب .. ولو أي حد فيهم خرج من كسله و كتب .. حيقعدوني في البيت!
    .....
    للأسف لا يمكنني أن أدعمك في رأيك عن علاء .. ربما لأني من قرائه منذ مدة طويلة.. بل و ربما كنت من معجبيه... و لهذا لا أعتبر توجهاته/ كتاباته الأخيرة من بديع أعماله

    الطبيب النفسي - استثناءا - يكتب بعربة سليمة... ليست متقعرة على الاطلاق.. احنا بس إللي أخدنا علىِِ ِقِرِِِايةِ الأهرام

    تحية



    العزيزة تشكيل

    قصة للطاهر وطار - اعتقد- ورد بها وصف لحال البلاد قائلا ان أهل البلد مثل ركاب قطار... يسير بهم.. ثم دخل القطار نفقاً... فاظلمت بهم... و قد عطل القطار فتوقف.. و لكن الركاب ظنوا أنّه لا زال يسير.. و أنه عن قريب سيخرج من طرف النفق الآخر... و هم على هذا الحال لا يشعرون بتوقفهم عن المسير.. إلا في حالة إذا ما صدمهم قطار آخر من الخلف .. حينها سيدركون حقيقة السكون الذي كان



    رجاء التدوين

    ردحذف
  36. غير معرف٧/٢٧/٢٠٠٦

    بسم الله الرحمن الرحيم
    عزيزى احمد ..
    اولا شكرا على اهتمامك و ردك الدائم و لا اسكت الله لكم حسا ..

    عزيزى اكيد خطابى اسلامى لانى مسلم لكن ما قصدته انى مش اخوانجى لانى فعلا معارض ليهم فى حاجات كتير فمنذ متى كان الاسلام عندهم الا شعارات و عنف ( فى السابق ) و تعليقات دينية للوصول لقلوب الناس .. هو ده فقط كان قصدى لكن اذا كان الوصف الذى ينطبق على خطابى هو الخطاب الاسلامى فهذا شرف اعتز به ولا انكره..

    نرجع لموضوعنا ..

    صديقى احمد ..

    متفق معاك تماما انهم منطقيين فى حروبهم و عشان كده بيكسبوا و ناس فعلا منظمين و اسف انى بكتب فى حاجة برة الموضوع ( اعتذار واجب ) لكن انا مش بكتب الا فى النقط اللى انا مختلف معاك فيها و بقول ليه ..

    حكاية ان ال 6 مليون مش هيعمروا الارض انا معاك فيها طبعا لكن مش معاك فى ان الفلوس مش بتعمر ارض ..

    فى شرم الشيخ اتعرفت على واحد اسرائيلى و اتبادلنا الحوار و قاللى انهم مش زعلانيين ابدا انهم طلعوا من سينا لانهم هيرجعوا تانى و ساعتها قدام الكون كله هيبقى ليهم اكتر من اللى لينا !
    لما لقانى مستغرب قاللى شوف يا حبيبي شرم الشيخ اللى انت فرحان انها حتة من بلدك دى 42 % من الفنادق و الريزورت اللى فيها ممتلكات يهود و 12 68 % منها ( اقصد ممتلكات اليهود ) من ممتلكات يهود اسرائلين ...
    و مفيش راجل مصري يقدر يعدى خط القناة و فى ايديه حاجة اكبر من بندقية كلاشينكوف ..
    الكلمات صدمتنى و اتأكدت من الكلام و انت كمان لازم تتاكد منه ان فى اراضى و اوقاف ( بالعبيط ) ليهود اسرائليين فى الاردن و مصر و سوريا و لبنان و العراق و زى مانت قلت هما منطقيين يعنى مش همج ولا متسرعين على رزقهم .. واحدة واحدة احتلال استثمارى اقتصادى و اراضى مملكوكة لهم ثم احتلال عسكرى ! يؤيده العالم لا يتحرك العرب لصده !
    -------
    اسف لانى بخرج عن الموضوع الاساسى يا احمد بس انا بحترم المناقشة معاك ( و ليس المجادلة ) لان قليل من الناس اللى ممكن تحترم فكرها حتى لو كانت مش مع اراءك ..

    د. احمد

    ردحذف
  37. أكيد يا دكتور في اسراذيليين نفسهم في كده.. بل و في إللي نفسهم يفنوا العرب كلهم.. في حرب إباده... بيحصل
    زي ما احنا عندنا ناس عايزة تولع فيهم أو ترميهم في البحر.. بيحصل

    الليقصدته إن زي ما انت عبنك ع النموذج الرجعي المتطرف ده.. لازم تشوف آلاف من اليهود الإسرائيليين..و مش حابالغ لو قلت مئات الآلاف من يهود العالم ضد الصهيونية..و شايفين ان الكلام
    ده مالوش مكان في المجتمع المعاصر
    أنا ممكن أعدلك عشرات اسرائيليين و يهود بيعملوا جاهدين على إحلال السلام..و أنا مصدقهم... و زي ما قلتلك في أحزاب أجندة عملها قائمة على إيقاف عسكرة اسرائيل و تحويلها لدولة مدنية...

    و ممكن تقرأ الطبيب النفسي كتب عن مين مؤخرا كمثال
    :
    http://tawaseen.blogspot.com/2006/07/blog-post_115361591217773894.html

    و بردو أقول لك في كل مكان في دعاة حرب و دعاة سلام.. عنصريين.. و متحضرين...

    السؤال الأصوات إللي بتدعم قضيتنا في إسرائيل و خارجها... حنفضل نحطهم في سلة الخنازير الأوغاد.. وّلا نسمعلهم و نتحرك سويا؟

    لو فيه فرصة ١٠٪ إن في ضغط شعبي في اسرائيل ضد الحرب و مع إحلال السلام و مع اعطاء الفلسطينيين حقوقهم.. صدقني ... عمرنا ما حنشوفهم .. و لا حنسمعهم... و حيبقى آخرهم مقالة في العربية

    تحية

    ردحذف
  38. غير معرف٧/٢٧/٢٠٠٦

    مش صحيح الاعلام العربي بقى مؤخرا بيهتم بموضوع الاسرائيليين الرافضين للاحتلال بكامل أطيافهم و الجنود اللي بيرفضوا تنفيذ الأوامر.

    دي حاجة شغالة من الثمانينات على الأقل و بتكبر ببطء، مش كلهم معادين للصهيونية، و مش كلهم مع حق العودة مثلا.

    بس حسب فهمي و متابعتي للناس دي أغلبهم (عدا بتوع السلام الآن) كان للمقاومة المسلحة (بل و قتل المدنيين الاسرائيليين) دور في دفعهم لاتخاذ المواقف دي.

    ده مش تشكيك في مدى انسانية و لا صدق الناس دي ده كلامهم و اقرأ مثلا يوري أفنيري و أدبيات كتلة السلام أو كلام أي من الظباط اللي رفضوا تنفيذ الأوامر أو اتكلموا ضد العمليات في غزة و الضفة.

    طبعا اليهود المعادين للصهيونية و اليهود المعادين للامبريالية و اليهود المعادين للاحتلال في العالم مش قليلين خالص و منهم المؤمنين مش بس اللي محسوبين يهود عرقيا زي تشومسكي ده غير أن مؤكد فيه مئات الألاف اللي ملهمش موقف محدد و مش مفروض نعتبرهم أنصار اسرائيل توماتيكي كده.

    دي حاجات ايجابية و بتزيد مع الوقت، و لو اسرائيل عايزة تستمر أملها الوحيد في الناس دي، بس أشك بشدة أنهم هيغيروا أي حاجة قريب.

    هي العملية هتتحل لما بدائل البترول تنتشر، أستنوا عشر سنين كده و هتبدي تفك

    ردحذف
  39. الاعلام العربي - لو في حاجة محددة اسمها كده - لما بيعرض النماذج دي.. ما بيعرضهاش من منطلق التواصل أو قبول الآخر... أغلب إللي بشوفه فيه نوع من الشماتة في جيش العدو.. و محاولات باهتة لإثبات انه (شهد شاهد من أهلهم) طبعا باتكلم عن فضائيات المين ستريم... لكن فيه كتاب كثير تناولوا الموضوع بشكل عقلاني و متحضر

    اعتقد إن عشر سنين ده رقم مفائل جدا.. الطاقات البديلة مش حتنتشر في الزمن ده

    يا ريت يا علاء لو عندك لينكات للآراء اللي ذكرتها تبعتها عشان أقراها بردو

    تحية

    ردحذف
  40. غير معرف٧/٢٧/٢٠٠٦

    بص أنا مكسل فهرميلك الينكين اللي حافظهم من غير ما أعمل بحث

    موقع رافضي تنفيذ الأوامر
    http://www.seruv.org.il/english/faq.asp

    دول أصلا خطابهم أخلاقي مبسط (و ده مش اعتراض)، لكن لو قرأته كويس هتشوف تأثير المقاومة المسلحة و الاحساس بعدم الأمان طول ما فيه مقاومة عليهم، و مرجعيتهم الأساسية هي "رفض ملايين لاحتلال أراضي 1967" و ده محللين كتير بما فيهم بعض المؤرخين الجدد بيربطوه بالانتفاضة أساسا.

    حتى أميرة حاس اللي من الأول منحازة للفلسطينيين قالت في أكتر من حديث صحفي أن اندلاع الانتفاضة الأولى غير أفكارها و هو اللي شجعها أنها تعيش وسط الفلسطينيين.

    http://globetrotter.berkeley.edu/people3/Hass/hass-con0.html

    و أخيرا ده موقع كتلة السلام، أفنيري شخصية مذهلة
    http://zope.gush-shalom.org/home/en

    ردحذف
  41. لو صحينا الصبح ولقينا اسرائيل بلعها البحر
    وكل اليهود رجعوا البلاد اللي جم منها

    ولسة في مبارك والاسد وعبد العزيز وعبدالله ..الخ
    ولسه فيه فتاوي ذات البلاوي
    ولسه فيه ظلم محلي
    ولسة فيه ديكتاتورية شخصية
    ولسة فيه غياب لفهم معني حقوق الانسان
    ولسة فيه ولعها ولع
    ولسة فيه تاريخ مروي علي شكل حواديت ابلة فضيلة ولسة فيه دعاة جدد وقدام
    ولسة فيه الشيخ صالح كامل
    ولسة فيه مصالح والفلوس بتساند اللي بيسكب لو دعارة ماشي ولو درس ديني ماشي
    ولسة فيه عادات اجتماعية سيئة بقت دين في حد ذاته
    ولسة فيه دعاوي لتدمير الاخر
    ولسة فيه رد فعل بعنترية واستهبال وعجز عن قراءة الواقع\
    ولسة ولسة ولسة

    يبقي استفدنا ايه ؟

    ردحذف
  42. علاء

    تشكر يا ذوق

    ابن عبد العزيز

    صحيح... أصلا لو فلسطين اتحررت.. و جت هناك حكومة تانية زي أي حكومة في المنطقة العربية( و ده متوقع لإن الفساد و التهليب بين رجال السلطة ، و وزراء حماس تكتب فيه القصائد العصماء) فلو ده حصل.. متهيألي اسرائيل أحسن كثير... ع الأقل نموذج ديمقراطي .. فيه تبادل للسلطة.. و تنمية شاملة..
    أدينا يمكن نتعلم

    !!

    ردحذف
  43. لأ هو الحقيقه ان لو صحينا الصبح لقينا اسرائيل اتكعبلت وقعت فى البحر يبقا فرجت من ناحيه و اتنيلت من ناحيه, فرجت معروف ليه, اتنيلت عشان الحكومه الفلسطينيه المنتخبه هيبقا عندها مشكله المنظمات الفلسطينيه المسلحه, و اللى هتطالب كل واحده فيهم بحته من الكيكه, طبعاً ده غير الفساد الفعلى الموجود فى السلطه الفلسطينيه كده عينى عينك, يمكن المنظمات دى مفيده حالياً لأنها بتشكل تهديد لأسرائيل و سلاح بسيط فى ايد الحكومه الفلسطينيه لما تحصل مفاوضات, ده طبعاً مع رفضى القاطع لقتل اى مدنيين, فلسطينيين كانوا او اسرائيليين, و لكن المشكله انهم سلاح ذو حدين من الممكن انه يصيب السلطه الفلسطينيه بشده, اعتقد ان اسرائيل هى السبب الوحيد ليه المنظمات دى مموتوش بعض لغاية دلوقتى. اعتفد ان مشكله فلسطين هتتحل بشكل كبير لما نحل مشاكلنا احنا , لما يبقى عندنا ديموقراطيه, لما نقضى على الفساد, و لما نزيل تابوهات و مسلمات خاطئه فى تفكيرنا, يعنى لازم نساعد نفسينا قبل ما نساعد غيرنا, ساعتها هيبقى فى سلام تانى غير سلام الغنى و الفقير اللى احنا عايشينه مع اسرائيل اللى لو عاوزه تدينا حاجه هتديها عشان هي عايزه تديها مش عشان مضطره تدييا, و فى نفس الوقت مش عايزه مننا حاجه,
    , و هو ده سلام الغنى و الفقير اللى انا مش عاوزه, احمد اشكرك على التدوينه و طرحك للموضوع ده, تحياتى

    ردحذف
  44. غير معرف٧/٣٠/٢٠٠٦

    مجزرة قانا الجديدة تعلن عن نفسها و انا اكتب تلك الكلمات ..
    و مازلنا نحاول تقوية العزائم
    و ما زال امثالك ينادون ان نعلن التطبيع مع اسرائيل و ان نستمر فى معاملة من اهانوا الرسول ..
    والله العظيم عمرنا ما هنتصلح الا اذا امثالك سكتوا و بطلوا يقولوا فى كلام كالعسل المسموم ..
    اطلع من مصر و روح عيش فى اسرائيل مع ال10 % اللى انت فرحان بيهم ..

    ردحذف
  45. جوليا

    مجزرة قانا عمل إجرامي ، و ستحدث أهوال أكبر.. إن لم يكن هذا العام فربما العام القادم.. أو العقد القادم... و صوت كصوتي.. و معي قلة آخرين.. نقدم رؤية مغايرة لفهم العدو الصهيوني .. و التعامل معه.. و هي أصوات تطالب بالسلام.. و لم أذكر التطبيع في كلامي مطلقا... و لا أعلم من أين أتيتي بالفكرة..
    و لا أعلم لماذا كان أول ما خطر على بالك هو طردي من مصر...حقا انني حزين أن البعض لا زال يمارس هذا التعسف مع صوت يخالف رأيه

    و إن كنت غيورة على العروبة و الاسلام... فلماذا تستخدمين اسم
    gulia
    ?
    فلتستخدمي اسما عربيا اسلاميا كفاطمة أو طلحة

    ردحذف
  46. غير معرف٧/٣١/٢٠٠٦

    اولا انا متكلمتش بدينى انا اتكلمت بعروبتى و انا مسيحية و فخورة انى عربية مسيحية مصرية ..
    و انا بحترم الرسول محمد و كنيستنا طلعت فى مظاهرات ضد الدنيمارك مع اخواننا المسلمين لان اللى يضركم يضرنا ..
    و على فكرة انت متعرفش الاسرائلين قد ما انا اعرفهم و حوارات السلام ده تمثيلية كبيرة عشان يبقى فيه ناس بتودهم و ناس فى بلدنا بتحاول تقلل من عزيمة الشباب و من غضبهم لما يشوفوا مجزرة راح فيها ابرياء ..
    ما كنيستنا دعت للسلام و رحنا فلسطين مع قوات الصليب الاحمر و ايه اللى حصل منعونا من اننا نوصل لاى مكان فيه قصف الا بعد 4 ساعات من انتهاء القصف عشان الكل يكون مات و خلاص ..
    و تقولى سلام .. خلى السلام ينفعك لما ييجوا و يهدوا البيت اللى انت ساكن فيه فوق دماغك ساعتها هتقول يا ريتنى شلت السلاح قبل ما ارفع حمامة السلام ..
    فى العصر ده اسمها حمامة الاستسلام ..
    فوقوا بقى من اللى انتوا فيه ..
    و فكرة طردى من مصر جاتلى من طرد مصر لليهود الى دعوا للشيوعية و قربوا الشباب من اسرائيل بمعانى التحضر ..
    انت بتقرب الشباب من اسرائيل بمعانى السلام ..

    ردحذف
  47. طيب يا ست جوليا يا مسيحية و يا فخورة
    مش قبل ما نتكلم عن حاجة.. نعرف أبعادها<؟
    أولا يهود مصر كانوا ٨٠ ألف ما شاركش فيهم في الشيوعية غير حوالي ١٥٠ واحد.. فبالتالي قياسك مش سليم
    و بالمناسبة.. هم القلة دول إللي منهم كثير أسلموا و استمروا في مصر - بعضهم أحياء - ثم يا جوليا .. هو اللي ينادي بالشيوعية يطرد؟

    القضية يا عزيزتي قضية حقوق... ندافع عنها لإن ده حق الفلسطينيين و ليس لأنه وجب قتال اليهود على المسلمين...

    لم اطالب بأي استسلام.. فقط طالبت باستخدام سبل ووسائل أخرى غير الحرب لتحقيق النصر

    و بالمناسبة الناس في المظاهرة كانوا بينادوا بفلسطين اسلامية... و هو أمر مرفوض أيضا.. لأنه سيحول مسيحيي فلسطين لأزمة أخرى
    و خطاب الحرب الصليبية بدأ في الانتشار
    احترسي

    تحية

    ردحذف
  48. غير معرف٧/٣١/٢٠٠٦

    ايوة اللى يطالب بالشيوعية يطرد امال تزغرتله ؟
    ولا انت مقرتش حاجة عن الشيوعية ؟
    و موضوع القياس انت اللى غلطان فيه بدل ما 150 واحد غلطوا طردنا 80 الف انا شايفة ان واحد بس غلط يطرد هو بس !

    و ايه الوسائل التانية اللى ممكن تحقق بيها النصر غير الحرب !
    السياسة ؟ بتحلم !
    ضغط الجماهير اللى بتنادى بالسلام ؟ الحلم وسع منك !!

    و بعدين تيجى فلسطين الاول و بعد كده نقرر تبقى ايه ! انت بتتلكك عشان متطلعش فى مظاهرات ولا تحارب !

    حسن نصر الله من الاصوات اللى بحترمها لانه شجاع و مش خايف من شوية كلاب غرضهم الاول تدمير العرب و كتير اوى من المسيحيين موجودين فى الحزب و بيحاربوا تحت لواؤه فمتتكلمش فى فلسطين لاننا ادرى نشمى امورنا مع بعض هناك ..

    ردحذف
  49. طب مادام انت عندك احكام جاهزة كده على الناس و المباديء و الآراء.. فهنيئا لك...
    أحييك

    ولا تعليق

    ردحذف
  50. اولاً الشيوعيه بمعناها الحرفى شبه اختفت من العالم, و لم تعد موجوده الا فى دولتين فقط , و لا أظن انه يجب أن يطرد شخص فقط لأنه مؤمن بالشيوعيه, ما تطالب به بعض الجماعات الآن هو نظام اشتراكى ديموقراطى او اشتراكى ليبرالى و ليس شيوعىً. ثانياً لم اأكن اعرف الحقيقه ان اليهود فى مصر كانوا شيوعيين, و ان الشيوعيون كانوا يحبوا اسرائيل على الرغم من الاختلاف الجوهرى فى الايدولوجيات, فاسرائيل دوله قامت على أساس دينى متشدد, و الماركسيه و من بعدها اللينينيه كانت تؤمن ان الدين هو آفه الحضاره, بالاضافه الى ان اسرائيل دوله ذات نظام برلمانى ديموقراطى ( و الله هو اسمه كده بقى) و الاتحاد السوفيتى كان نظام اشتراكى. اما بالنسبه لطرد اليهود من مصر, فمصر طردت كل اليهود و ليس فقط الشيوعيين منهم, و هو عمل يثبت عبقريته و عظمته يوماً بعد يوم, تحياتى للرجل العظيم المغوار البطل الذى اقدم على هذا العمل العبقرى, و حسبى الله و نعم الوكيل فيه هو و نظامه الاشتراكى العبقرى الذى مازلنا نعيش فى نعيمه الى اليوم

    ردحذف
  51. " كتير اوى من المسيحيين موجودين فى الحزب و بيحاربوا تحت لواؤه "

    بصراحة انا مش عارف انتي جبتي الكلام منين
    بس مقدرش اكذبه ولا اصدقه

    ممكن حضرتك تجيبي الدليل يا جوليا ؟

    ردحذف
  52. غير معرف٨/٠٢/٢٠٠٦

    معتز .. اليهود فعلا انطردوا بسبب ان 150 واحد فيهم كان شيوعى تطبيعى مع اسرائيل ..

    ابن عبد العزيز .. يوجد 94 جندى عربي مسيحى شارك فى تحرير الجنوب ( او سموها الانسحاب من الجنوب اذا اردتم ) و مازالوا موجودين الى الان و اذا كنت من المتابعين لقناة الجزيرة الاخبارية مثلا ستجد بعض العناصر فى المظاهرات يردتدون الصليب و سيف على هؤلاء هم من انصار حسن نصر الله .. و يوجد مثلهم جنود مثاتلين على الحدود ..

    ردحذف
  53. بالنسبة لليهود المصريين.. فبما إن الموضوع ده متعلق بدراسة باقوم بيها فالمعلومات اللي عندي أكاديمية و موثقة، باختصار:

    ١- اليهود خرجوا على ٣ دفعات من ٤٩ إلى ٥٧ و لم يبق في الستينات إلا ١٠٠٠ يهودي تقريبا من أصل حوالي ٨٠ ألف
    ٢- لم يعمل يهود مصر السفرديم ( الشرقين)و القرائين في الصهيونية .. إلا ما شذ عن ذلك... و بشكل عام موثق من زيارات هرتزل لمصر في بدايات القرن عدم اهتمام غالبية اليهود بحلم اسرائيل بحسب رسائله الشخصية.. فهم كانوا يعيشون كجزء من نسيج الشعب.. و ليس كوضعهم في أوروبا اثناء الحرب

    ٣- اليسار المصري قام على يد يهود مصريين مثل هنري كورييل ، مارسيل شيريزي - يعيش في روما - يوسف درويش ، كنت قد كتبت عنه هنا:

    http://o7od.blogspot.com/2006/06/blog-post.html
    و عديد آخرون... و كما قال معتزالمصري أن الفكر اليساري لم يكن أبدا ليرضى بالحلم الاسرائيلي .. و جميعهم رفضوا وجود اسرائيل.. و قام أحدهم - لا يزال يعيش في القاهرة - بانشاء جمعية من اليهود فقط لمحاربة الصهيونية .. و الدعاية الضد اسرائيلية . نظرا للخلاف الشديد بين المذاهب الماركسية ، و الايدولوجيا الاسرائيلية الاستعمارية
    و موثق أيضا أن المحامي المصري شحاته هارون - يهودي ماركسي- كان قد اعتدى على نائب رئيس الوزراء الاسرائيلي إيجال يادين داخل المعبد الشهير في شارع عدلي ،عام ١٩٧٩ قائلا أن " اتفاقية كامب ديفيد مهينة بكرامة شعب مصر" و أخرجه البوليس المصري بالقوة لحماية يادين

    أسوق هذا في اطار حديثي عن أن الحرب ليست حرب أديان .. انما حرب حقوق

    ٤ - طبعا ليس سبب خروج اليهود عملهم في الشيوعية.. السبب هو ضغط ضباط الجيش و البوليس على العائلات.. و اهانتهم في منازلهم.. و تأميم ثروات الأغنياء.. و للحق فإن عبد الناصر لم يصدر يوما أي قرار رسمي لإجلاء اليهود.. و لكنه كان اتجاه غير رسمي... فضلا عن قيام حركات رجعية كالاخوان المسلمين باحراق حارة اليهود و تكسير المعابد.. فبدأ اليهود في الخوف و الرحيل في السنوات التالية

    ٥- موثق أيضا أن ٦٠٪ من يهود مصر لم يخرجوا لاسرائيل... وانما لفرنسا - إيطاليا ،امريكا و كندا ..و الجزء الذي ذهب لاسرائيل فإنه - وفقا لشهادات معاصرين - اضطروا لدخول اسرائيل لأنهم لم يكونوا حاملين لأي جنسية غربية - و فقراء لم يستطيعوا تدبر السفر لأوروبا- و لم يعرفوا ماذا سيفعلون في بلاد لا يعرفون أحد فيها.. و لا لغاتها.. و بالتالي كانت اسرائيل للأسف الملاذ الأول لهم

    ٦ - طبعا كانت هناك انشطة صهيونية في مصر.. قدر عدد العاملين فيها بـألفي يهودي

    -------------

    أقول الآن رأيي أنا الشخصي:

    ١- لا يجوز طرد أي انسان من بلده لأنه يهودي أو شيوعي أو ملحد أو عفريت أزرق... مصر للجميع.. لا للمسلمين و لا للأقباط و لا للعروبويون...مصر لكل أبنائها.. و لن أسمح بخطاب عنصري ينادي بطرد أحد على هذه المدونة، و خصوصا مع تزايد نعرة طرد الصليبيين من مصر!!! فمن العجيب أن تشاهد قبطيا ينادي بطرد الشيوعيين... اشرب بقى

    ٢- لا أظن انه يوجد موارنه أو أي سواهم من مسيحيين في حزب الله..و لي صديق لبناني عمل مع الحزب في التسعينات.. و يعيش في مصر... و كان- و هو سني المذهب - يحكي لي كيف أن هناك بعض السنة أيضا بين حزب الله.. لدلالة على حب اللبنانيين للحزب.. و لم يذكر أي شيء عن موارنة أو أرمن.. و أكيد كان من باب أولى أن يذكر ذلك

    ٣- قناة الجزيرة قناة موجهة.. و قد استطاعت بانتشارها أن تحشد الأصوات مع حسن نصرالله.. و تخرس أي صوت كان يعارض سماحة الشيخ في بداية الأزمة .. طبعا الآن بعد كل التعسف الذي تنتهكة حكومة اسرائيل ضد اللبنانيين.. فالكل يتظاهر مع المقاومة و ضد اسرائيل.. كل طوائف اللبنانيين... و اعتقد أن هذا ما عنته جوليا عندما تحدثت عن أناس يرتدون الصلبان
    ٤- طبعا قنوات التليفزيون ليست مرجعا لاثبات وجهة نظر أبدا.. و لن تكون.. لأنها مسّيسة .. أو موجهة .. أو تجارية..


    أكتفي بذلك لأبدأ العمل.. تحية للجميع

    ردحذف
  54. يا سلااااام, شىش متشكر يا أحمد جداً على المعلومات اللى كتبنها دى فى آخر بوست, انا معلوماتى عن يهود مصر محدوده للغايه, متشكر مره تانيه
    و بالنسبه للخطاب الصليبى انا نفسى سمعته من ناس كتير و منهم ناس انا على صله وثيقه بهم, سمعت منهم أكثر الكلام شذوذاً عن مسيحى مصر مثل وجوب طردهم او انهم يجب ان يدفعوا جزيه, و كلام فاضى كتير من النوع ده, لدرجه اننى حسيت الناس المتشدده دول فاكرين ربنا خلق الدنيا دى علشانهم همه و بس, الحمد لله ان الفكر شديد التطرف ده مش موجود فى مصر, احنا عندنا بس فكر متطرف عادى :)

    ردحذف
  55. يووووه نسيت حاجه مهمه
    بقى برضه الموارنه هينضموا لحزب الله, اذا كان اصلاً الموارنه و الدروز السنه و الشيعه لسه من كام سنه كانوا بيقطعوافى بعض, و على العموم انا علشان خاطركوا كلمت واحد صاحبى لبنانى و سألته اذا كان فيه موارنه فى حزب الله و قال لى بس ياد يا اهبل.
    اما بالنسبه لموضوع قناة الجزيره انها قتاه موجهه, فأنا لا أظن انه يوجد اعلام محايد على وجه الأرض, يمكن عدا رويترز, و دى حتى مش قناه و انما وكاله انباء.

    ردحذف
  56. غير معرف٨/٠٣/٢٠٠٦

    يا استاذ مين جاب سيرة ان الواحد ينطرد عشان دينه ؟
    فين كلمتى اللى بتؤكد كلمتك ولا انت بتستشهد على اعتبار ما سيكون !!

    متى كانت الشيوعية دينا !

    اللى يتم طردهم من البلد هما اللى بيهددوا امن البلد و يشكلون خطورة على فكر او صحة او عقيدة او تنمية او امن المجتمج !

    ايه اللى دخل اليهود ؟

    كلامى كان عن الشيوعيين اليهود و ليس كونهم يهود بل كونهم شيوعيين ..

    ثم ( و لن أسمح بخطاب عنصري ينادي بطرد أحد على هذه المدونة، )

    - عجبا لفكر العرب الذى لن يتقدم مهما مرت السنين ! حتة مدونة و كانت لن اسمح امال لو كنت رئيس دولة !

    - بتناقد نفسك و تقول اين الديموقراطية فى بلدى و توهم نفسك انك مثالى و فى النهاية انت لا تسمح بالرأى الاخر !

    - بتهدد بإسكات صوت لانه يقول مع مالا يتوافق مع رأيك و تستنكر لما طرد الشيوعيين !

    عزيزى احمد انت ضال .. تدعى مالا تملك

    ردحذف
  57. lol
    ١- ما حدش يطّرِد عشان دينه... و لاعشان أفكاره...مش الأديان أوكي و الافكار كخ
    ٢- هو كل اللي أثبتناه عن خطأ رؤيتك ما رديتيش عليه.. و بدأتي تخبّطي في سلوكياتي؟
    ٣- هو لما أقول مش عاوز عبارات فاشيه.. يبقى ما باسمحش بالديموقراطية؟
    ٤-مش انتي قلتي اليهود كانوا شيوعيين تطبيعيين مع اسرائيل و عمِّمْتي؟ أثبتلك إن لا هما كانوا شيوعيين.. و الشيوعيين ماكانوش تطبيعيين
    ٥- هي الشيوعيه هدمت أنهي بلد من قبل؟
    ٦-فاكر نفسي رئيس دولة؟ هو رئيس الدولة عندك هو مقياس لأكبر حاجة؟ و الله فيه مدونات عندي أهم من ُدَول بحالها.. و مدونين أشرف و أطهر من العديد من الرؤساء ..وبالمناسبة.. أنا حر في المدونة بتاعتي فعلا.. أقرر متى أردت ..اتجاهاتها.. آرائها .. مساحة الحرية فيها..لا أقمع أحد.. لكن في النهاية آرائي هي المقياس
    أما رئيس الدولة فهو موظف.. ليس من حقه فرض آراؤه..لإنه يدير ممتلكات الشعب .. و بالتالي قياسك مش مظبوط
    ٧- تناقد تكتب بالضاد ،، كده لها معنـى تاني

    ردحذف
  58. معتز
    العفو يا ذوق

    اليهود و بدايات اليسار المصري قبل يوليو هما من المواضيع القليلة اللي عندي بيهم إلمام مش بطال... لانه جزء من تاريخنا الهام جدا و قد تم تشويه كليهما زي ما شفت الاخت كانت فاكره إيه

    احييك..
    و بخاطرك بقى
    :)

    ردحذف
  59. غير معرف٨/٠٣/٢٠٠٦

    بسم الله الرحمن الرحيم

    انا مع احمد ان فركة طرد اى انسان لمعتقده الروحانى او الدينى تصرف همجى لكن طرده لاجل فكر قد يضر بالنظام العام ( الا اذا كان النظام خاظئ ) هو تصرف صحيح ..


    جوليا معتقدش ان في مسيحيين فى حزب الله .. يمكن يعنى

    احمد يا ريت تقرا عن الشيوعيين فى الفترة من 1940 - 1955 قبل ما تحكم انهم ماكانوش تطبيعيين و يا ريت متاخدش معلوماتك من مصدر واحد لان واضح انك متأثر اوى بالماركسيين امثال المرحوم يوسف درويش

    شكرا على المعلومات .. انتظر نشر البحث حتى يستفيد الجميع ..

    معتز .. انا كمان نفسي ان المقاومة تصلح ( يا ريت ) الخلاف بين الدروز السنة و الشيعة ..

    على فكرة انت كتبت فوق يا احمد ان المدونة ملهاش صاحب و رحبت بكل الاراء وحشة اوى فى حقك انك تتراجع عن كلامك و تقول بتاعتى و انا اللى احدد اهدافها ! لو كانت بتاعتك بس يبقى متسمحش بالردود و اقراها لوحدك لكن كل واحد له فكر خصوصا لو كان فى عالم المدونات الاواقعى ..

    د.احمد

    ردحذف
  60. غير معرف٨/٠٣/٢٠٠٦

    غلطة مطبعية
    فكرة لا فركة

    ردحذف
  61. عزيزي أحمد

    جوليا وأوهام الفصل العقائدي والفكري..
    شارم والقراءةالمتربصة ..

    كالمعتاد ـ دائما مايخرج النقاش عن لب الموضوع إلي تهاويم الذات والقناعات الشخصية. ولا يملك صاحب المدونة إلا الرد من موقف دفاعي ناتج عن غياب الرؤية المنهجية لبعض من يقرأ ويعلق ويبللور كلماته كحكمة دهرية سرمدية، وعلي الجميع السمع والطاعة للصوت الديماجوجي.

    ان نقطة الانطلاق لدي السيدة جوليا تجعل الحوار منتهيا قبل أن يبدأ. فهي تعرف نفسها كعربية مسيحية مصرية .. أي تعريف قومي وطني ديني. وهي تعمدت ـ أو لم تتعمد ـ وضع الهويات المتتالية حسب ترتيبها الشخصي للأهمية .. أي أن مبدأ القوميةأهم من فكرة المواطنة، وبالتالي فهي ملكت حق إسكات صاحب المدونة في الحديث عن فلسطين بقولها:
    "فمتتكلمش فى فلسطين لاننا ادرى نشمى امورنا مع بعض هناك "
    هل نشمي أمورنا تعبير مصري ؟؟؟
    ومن ثم، بدأت التقسيم العنصري علي أساس الفكر والعقيدة والمذهب الفلسفي. وأقرت باليقين وجوب طرد كل من يتبع الفكر اليساري الشيوعي بدون تحديد لطائفة معينة .. فلم تقل لنا من نطرد ؟ الماركسيين اللينينيين أم اصحاب الشيوعية الواقعية أم الشيوعية العلمية أم التروتسكيين أم كلهم في الهم سواء ؟
    ولم توضح لنا السبب لماذا هؤلاء بالتحديد ؟ وهل وجب طردهم لإتجاهاتهم الفلسفية أم الدينية أم السياسية أم الشخصية ؟
    وكيف نطردهم ؟ هل بالنفي الي سرنديب أم الاقصاء عن المدينة أم شحنهم علي عبارة مثل السلام أم اعتقالهم جملة وفرادي ؟
    وماذا عن الملحدين ، واللا دينيين والبهائيين والاثينيين وهراطقة الكنيسة الارثوذكسية والقرأنيين والوجوديين والدهريين والزيديين والاكراد والاماميين ومن لا يتبعن أي مذهب فكري أو عقائدي ... ماذا نفعل بهؤلاء.
    وهل النفي ضد حقوق المواطنة ؟
    وهل المواطنة قومية أم وطنية؟
    وماذا أنت فاعلة إذا طبق عليكي حسن نصر الله نفس منطقك وألزمك بالجزية كذمية في دولة ثيوقراطية ؟
    سيدتي إذا قمنا بطردأهل اليسار من مصر أو حتي من أمريكا، فهذا يعني طرد مالا يقل عن 60% من الانتلجسيا المصرية والعربية والعالمية.

    أما عن رفض أحمد للفاشية فهو حق مكتسب، وليس خق قهري كالذي أصطفيتيه لنفسك بطرد من لا يتوافق فكريا معك.

    -------------

    شارم والقراءة الانتقائية

    لم أجد أي كلمة تنم عن أن طرد من يضر بالنظام عمل صحيح. ويبدو أن فكرة المواطنة لا توجد أساسا في الوعي الجمعي للمتحدث.
    هل القراءة المتأنية رفاهية؟
    ولماذا وضع فرضية أن أحمد لم يقرأ ما قرأته أنت بالضرورة ؟
    وعلي أي أساس كان التخصيص الزمني للفترة من 1940 - 1955 ؟
    ياسيد، تعبير التطبيع نحت في فترة مابعد كامب دايفيد ولا يصح إستخدامه كيفا أتفق. وعندما تقول الشيوعيين لزم عليك التخصيص وليس التعميم، فمن تقصد بالشيوعيين ؟ حركة حدتو مثلا .. هنري كورييل وجماعته، إسماعيل احمد أدهم ودائرته ، الحركة الشيوعية المصرية، حركة العمال الاشتراكيين، الحزب الشيوعي المصري، خالد محيي الدين وحزب التجمع ؟ من تقصد ؟

    أما الدليل علي ديموقراطية الحوار .. هو وجود تعليقك والاخرين .. وعدم السماح بإقصاءالآخر علي أساس فكري أو مذهبي أو ديني أو عرقي هو حجر أساس حرية التعبير. وهذا ليس تناقضا ولكن عين الصواب .

    اللهم هاجم صاحب المدونة تعليقك لكونك تسبق اسمك بلقب دكتور وانت ما تزال طالبا .. وهو تعسف مقبول نظريا لتوازييه مع عدم قانونيه الفعل .. وهو كما تري مثال لإقصاء الآخر ولو علي سبيل الفذلكة.

    والسلام

    ردحذف
  62. يا د. أحمد

    المدونات مكان لتلاقي الأفكار و الاتجاهات... و التعليقات هي الحوار بين الناس دول.. لما يدخل واحد يقول اطردوا المسيحيين أو مشوا اليساريين... من حقي أرفض.. و أنا لما باقول مدونتي و انا حر.. معناها أنا حر أقول إيه الكلام إللي مفتوح للنقاش .. وإيه لأ.. و أنا ما بامنعش حد.. ولا عمري مسحت تعليقات ناس بتهينني أبا عن جدا و بيسبّوا لي ١٠٠ ملة.. لإن دي مساحة مفتوحة للجميع،، كل باللغة إللي بيحبها.. لكن مبدأ الطرد ده مش لا يعتبر حوار أصلا.. أنا امتنعت عن الرد و الدخول في نقاش .. لكن طبعا هي حرة تكتب إللي تكتبه...
    و بعدين يعني إيه فكر هدام أو ضار بالنظام العام؟ ما الفكر الأرثوذكسي هدام للفكر الإسلامي.. و الفكر اليساري، اليميني شايفه هدام.. و اليساري شايف اليميني هدام بردوا .. فهمت؟ يعني ما حدش يملك ناصية الحقيقة دونا عن الآخرين

    -----

    أرشح كتب المنيل رفعت السعيد عن تاريخ الحركات اليسارية المصرية في ٣ أجزاء .. فيهم معلومات وافية و فعلا محايدة... رغم عدم إيماني بالمؤلف لكنه باحث ممتاز..
    ------
    حاريّحك
    المدونة مش بتاعت حد.. دي خدمة من جوجل.. هما ممكن يقفلوا ده في لحظة
    :)


    تحية

    ردحذف
  63. غير معرف٨/٠٥/٢٠٠٦

    بسم الله الرحمن الرحيم

    دكتور نفسي ...

    اعتقد ان لديك العلم الوفير لكن للاسف انت عاجز عن اقناع الناس بفكرك او حتى افادتهم به بسبب اسلوبك المتهجم دائما .. غير اسلوبك اكيد هتفيد ناس كتير ..


    -----------------------------------
    احمد

    شكرا على اختيارك للكتب .. هجيبهم ان شاء الله ..

    بالنسبة للمدونة .. انا عارف ان نواياك كويسة من الكلمة لانى متابع لما تكتبه لكن انا قلتلك رأيي كشخص مش بينافقك و كلامى عن المدونة كان فى اخر ردى و لو كنت اعرف ايميلك كنت عتهالك على الايميل لان انا مش واقفلك على الواحدة مثلا انما مجرد راي .. بس كده اقفل موضوعها بقى !

    نرجع لموضوعنا ..

    بالنسبة لقضية الطرد !

    اقرا اول جملة كتبتها يا احمد فى ردى السابق !
    انا ضد طرد اى شخص عشان دينه اذا كان دينه انا مؤمن بيه يعنى يهودى او مسيحى يعنى ميطلعليش واحد بكرة يدعوا للدين الحلابانتيشى و يكفر المسلمين و يدعى النبوة و نقول حرية دين !
    ده انفذ فيه حكم القانون فان لم استطع بسبب ضغوط خارجية مثلا اطرده .. و لذلك مثالك ان الفكر الأرثوذكسي هدام للفكر الإسلامي بالنسبة ليا طبيعى ..


    بعيدا عن المسميات .. لو انا فعلا قلت اى واحد له فكر مخالف لفكر الناس مش هيتعاقب ابدا .. لو واحد ساعتها نادى بحرية زواج الشواذ او نكاح المحارم و بقى له اتباع و مؤيدين هتعمل فيه ايه ؟ هتسجنه بانهى تهمة .. اداب ؟ .. هتسجنه فين ؟ ده هيقلب السجن كاباريه ! .. المهم هتحبسه و لما يطلع هيستمر الموال من الاول و هتفضل فى دايرة مغلقة .. انا بدى مثال بسيط جدا ولا هو دينى ولا سياسي لكن فكر منحل .. انا قصدى الافكار المنحلة

    طب اهو مثال سياسى كمان .. شاب معاه جنسيتين و حصلت حرب بين مصر و الدولة اللى معاه جنسيتها و حارب ضدنا و حاول يرجع بعد الحرب .. اسيبه يعيش فى البلد ؟

    واحد مصري فى الخارج و سب البلد اخليه يرجع ؟

    انت طردت البنى ادم ده لانك فى يوم من الايام مش هتقدر تقيم حد على مدعى النبوة ولا هتقدر تقيم حد على مؤيد الشواذ بحجة حرية الفكر و العقيدة و هيكون مدعوم من دول خارجية كبرى تعارضك فى كل المحافل ..

    يبقى حرية الفكر و العقيدة هو ما يتناسب معايا و مع دينى و فكرى اولا ... مينفعش يعيش معايا واحد مدعى نبوة و اقول حرية دين و مينفعش يعيش معانا شواذ و اقول حرية فكر ..

    (ارجوا ان لا يكون الرد رفض لمجرد الرفض ولانى دائما على صواب ! )

    ردحذف
  64. د. أحمد

    انت زبون دلوقتي عندنا.. و ما أقدرش افتح بقي معاك.. فضلا عن هدوءك النسبي ، كصوت اسلامي...
    انما اللي انت بتقوله ده ما ينفعش أوافقك عليه إلى أن أوارى الثرى

    المشكلة إن الناس خايفة على الاسلام.. و على دياناتها عموما.. و على تقاليدها و أفكارها.. و معاهم حق.. لكن أنا شايف إن الخوف أصبح هيستيري.. زي ما كتب الطبيب النفسي في مدونته

    رأيي:
    أي واحد له أي فكر ما يطّردش.. بتاع ديانة جديدة؟؟... العلماء يردوا عليه.. و لن ينتقص الاسلام من شيء إذا آمن بيه ٢٠ ولا ٥٠ واحد... الاسلام مش صغير كده

    واحد بتاع زنا محارم؟ و ماله.. يهيص زي ماهو عاوز... كام واحد مقتنع بانه ممكن ينام مع أمه أو اخته؟ لو خالف الدستور و القانون العدالة تاخد مجراها.. لكن مصريته مش محل شك... الوطن لا يسلب و لا يكتسب في رأيي...

    زواج الشواذ؟ أنا سامع من صحابي عن ٢ رجالة متجوزين.. و هم من معارف أحد أصدقائي... ها؟ حصل إيه؟ هذا لم يمنعني أن أعجب بفتاة فأحبها.. و تبادلني الحب.. و مش حيمنعك تتجوز و تخلف... و لا حيخلي الرجاله هيجانة على بعض!

    مسألة إقامة الحدود دي مسألة لازم الاسلاميين المستنيرين دي يعيدوا التفكير فيها... الاسلام من المفترض أنه دين السماحة... فكيف يقيم حد على رجل فطره الله تعالى على اللواط؟ هوّ ذنبه إيه؟
    ( أرجوا ما تتحولش المناقشة لقضية الشواذ لإنها مش موضوعنا و لا تهمنا في الظروف التي تمر بها البلاد)

    مصري سب البلد؟ شفت انت قلت إيه؟ مصري... أبوه و جده عاشوا و ماتوا و حاربوا و حفروا القناة.. ليس من حقك أن تنفي عنه بلده كما أنه ليس من حق المسلم تكفير المسلم...

    بتقول:
    "يبقى حرية الفكر و العقيدة هو ما يتناسب معايا و مع دينى و فكرى..."
    الله!!
    دي كده تبقى حرية دينك و فكرك انت بس.... لكن حرية دين و فكر الشيعي و الدرزي و الشيوعي و المثلي ، و الوفدي و البورسعيدي و الرشيدي الميزان... حريات برده.. و لهم حق زي حقك بالضبط

    عيب
    ما تصغّرش الاسلام.. و لا المصريين


    مش هجوم و الله... بس طقة حنك كده ع الماشي

    تحية

    ردحذف
  65. .....Sharm

    النقد والهجوم والتهجم ... أدبيات الحوار وعائق اللغة

    مسك الختام

    هناك فرق شديد بين النقد والهجوم والتهجم ... فعلي سبيل المثال لم يكن كلامي عنك ـ وليس لك ـ تهجما، فالتهجم هو النيل منك بشكل شخصي ، عاود القراءة لما كتبت ولن تجد أي كلمة تمسك بقاذع القول لسبب بسيط هو أني لا أعرفك شخصيا لا جملة ولا تفصيلا.
    أما الهجوم، فهو إطلاق أحكام عامة بدون الرجوع لمسبباتها، والوقوع في أحابيل الالتباس وعموم اللفظ، مرة أخري أقرأ بعناية ما كتبت ولن تجد أي لمحة من هجوم.

    يبقي النقد وهو الاطار الذي كتبت في ثناياه ماكتبت، ولم أدعي المعرفة المطلقة كما تفعل أو أطلق احكام لفظية عامة كما تعودت أنت. مجمل ما كتبت يدخل في دائرة التساؤل وليس السؤال، لتبيان الالتباس في ما تكتب ومحدودية الخطاب لديك القائم علي توهم ذاتي بإمتلاك الحكمة.

    فكلامي كان موجها لأحمد، ولو كان لك لكنت أنت المنادي عليه .... أنا لا أدخل في جدل معرفي مع ن يدعي الحكمة ويحمل أحكام مسبقة قائمة علي قناعة شخصية خارجة عن جدلية العلة والمعلول ومغرقة في الذاتية.

    وها أنت تتبوأ مكان لايناسبك حجما وقولا بإدعاء أنني أعجز عن الاقناع بسبب التهجم، دون أن تعي الفرق اللغوي والدلالي لما تقول، ووكلت نفسك نائبا عن الناس لتطلق حكما لاتعيه .... فيجب أولا أن تعرف الفرق بين التهجم والهجوم والنقد، وتضع اللفظ والمفردة تبعا للسياق .... وتقرأ بعناية قبل أن تكتب، وعندما تكتب لابد وان تعلم بالضرورة ان عليك إثباته والتدليل عليه، وإلا كانت كلماتك محض لغو ولجاجة.

    وقد ألزمت نفسك بما قلت وأدعيت معرفة تاريخ اليسار، وإن كنت كذلك لكان أحري بك ان تجيب عن الاسئلة أو تضيف أو تصحح، ولكن عجزك المعرفي منعك من ذلك وأوجب عليك إتخاذ موقفا دفاعيا.

    وفاقد الشىء لايعطيه، فلا تنصح بما أنت أحوج إليه ..... ولا تتخذ موقفا وسطيا للخروج من مأزق قلة المعرفة، وتعلم فقه التحيز....وتعلم اللغة قبل أن تكتب، وتعلم أن من يدعي المعرفة الكلية، لايعلم شيئا.

    هذه ليست مقدمة لحوار أو نقاش، ولكن لازمة لوضع الامور في نصابها، وإلزامك بما أنت أهل له من التصحيح والتوضيح.

    والسلام

    ردحذف
  66. د. أحمد

    ذكرت فى كلامك بعض النقاط إسمح لى بالتعقيب عليها, و لكن قبلاً أحب أن أبدى رأيى فى مبدأ الطرد, و هو مبدأ غير عملى على الاطلاق, فإن وجدت بلداً لتستقبل شخصاً مصرياً مطروداً, فلن تجد البلد التى تستقبل جماعه اوفئه مصريه مطروده, ربما كان هذا امراً وارداً منذ خمسين عاماً اما الآن فهو أمر غير مقبول, بالاضافه الى أن مصر لا تمتلك مستعمره فى مكان ما لتستطيع نفى الناس اليها, ثانياً و الاهم من هم الفئات الواجب طردها من وجهه نظرك, من ذكرته هم:

    1- الداعين لدين جديد, او دين غير سماوى
    2- الشواذ و ناكحى المحارم
    3- مصرى تنازل عن الجنسيه المصريه من أجل جنسيه أخرى او مصرى حارب مع دوله أجنبيه معاديه لمصر

    دعنى نناقش كل نقطه على حده, و سأحاول الاختصار قدر المستطاع, لأن كل نقطه فى حد ذاتها هى موضوع كبير يستحق دراسه و ليس بوست 

    أولاً الدين: اذا أتى شخص و دعى للدين الحلابانتيشى كما ذكرت, فكيف يضر هذا الاسلام, الاسلام بكل قوته و عظمته كدين سماوى منزٌل من الله سبحانه و تعالى لا يستطيع اى دين موضوع منافسته, سماحه تعاليم الاسلام و عبقريه القرآن, هم ببساطه قادرين على اقناع أى شخص يحاول المقارنه بينه و بين دين من صنع البشر, اذاً فأى شخص يدعٌى النبوه و يحاول فرض دينه على المسلمين فسيكون موضع سخريه و ليس أكثر. فى اوروبا و امريكا يوجد الكثير من المبشرين الذين يدعون الناس الى ديانات مختلقه, و يحاولون توضيح لماذا ديانتهم هى الصحيحه, و المسيحيه باتجاهاتها الثلاث الأكثر انتشاراً فى اوروبا على خطأ, و دائماً يوجد تابعين لهذه الديانات المختلقه, و لا يعنى هذا بالضروره ان دين من هذه الأديان سيسود اوروبا بالضروره مثلاً, و مع ذلك فلا تفكر دوله أوروبيه فى طرد هذه الجماعات اوحتى المساس بهم طالما لا يؤذوا غيرهم, و نفس الحال فى أمريكا الأكثر تديناً مقارنه بأوروبا. إذن فالدين هو معركه فكريه و ليس فرضاً على أحد, و ليؤمن كل شخص بما يقتنع به, و إذا اتبع شخص مسلم دين موضوع, فلا يضرنى هذا فى شيئ, لأن هذا الشخص كان أصلاً ضعيف الايمان, و لا يعرف الكثير عن دينه, و الدليل هجرُه للاسلام, و فى هذه الحاله فلم يخسر الإسلام الكثير. و فى بعض الأحيان ينتصر أصحاب الفكر الجديد على الدين القديم, اذا كان اذا كان الدين القديم غير ملائم لطبيعه الناس, أو يخالف المنطق, على سبيل المثال مارتن لوثر و جماعته أصحاب الفكر البروتستنتى, عندما اتى فى القرن السادس عشر بخمسه و تسعون تعليماً أغلبهم مخالف لصميم العقيده الكاثوليكيه مثلاً رفضه شرطيه وجوب وجود قس كوسيط بينه و بين الله, و أن الاعتراف للقس هو بدعه لم يأتى ذكرها فى تعاليم الدين, و كذلك منصب البابا, و هدف من هذا تجريد القساوسه من السلطه التى منحوها لأنفسهم بإسم الدين, إذن هى كانت حركة تصحيح و ليس دين جديد, فى زمن كانت فيه سلطه الكنيسه بلا حدود فى العصور الوسطى. و هو عصر يبدوا اننا مقبلين عليه بسبب الكثير ممن نصبوا نفسهم حماه للدين الاسلامى, و أصبح رأيهم هو رأى الدين, و بسببهم تحول الدين الى مظاهرمثل ندوات دينيه, دروس فى المسجد, شرائط كاسيت, أفراح اسلاميه ولحيه و جلباب, نثورعلى جريده دانماركيه لنشرهم صور مسيئه و لا نثور على من يسب الدين فى الشارع طوال الوقت, نكذب و ننافق لنصل الى منصب أعلى و نقول فى النهايه هذا من فضل ربى, نذهب لصلاة العشاء و بعدها نهين البواب او بائع فى الشارع لأى سبب تافه, و نسينا او تناسينا أن الدين هو سلوكيات قبل أن يكون مظاهر. من يضر الدين أكثر إذنً, شخص تبع ديناً آخر أم نحن.

    الشواذ و ناكحى المحارم: أولاً اذا اراد شخصان اى الاثنين فسيفعلوهم و لن يستطيع أحد منعهم,
    ظاهرة نكاح المحارم على حد علمى هى ظاهره غير منتشره و لا حتى فى الدول الغربيه, و لم أعرف لها جماعات, و للحق, فأنا لا أعرف حكمها القانونى, إذن فهى ليست مصدر قلقلنا فى الوقت الحاضر. أما بالنسبه للشواذ فهم ظاهره مازالت تحت الدراسه, و لم يستطيع العلماء تفسير لماذا يميل شخص لشخص آخر من نفس جنسه. بالطبع يوجد تفسيرات كثيره مثل مشكله فى الطفوله أو خوف من الجنس الآخر أو انعدام الثقه فى النفس و لكنها للأسف كلها بلا دليل, و ما يثبت هذا هو وجود شواذ لا يعانوا من أى مشاكل نفسيه, أو على الأقل لهم نفس المشاكل التى يعانى منها شخص آخر طبيعى, بالإضافه الى أن الشواذ يعانون, لأن احتياجاتهم الجنسيه فى أغلب الأحيان لا تتوافق مع طبيعه جسمهم, إذن هم مرضى فى حاجه الى علاج و مساعده أكثر منهم منحلين وجب عقابهم و طردهم. و قولك أن بسجنهم سيحولون السجن الى كباريه, يدل على عدم المامك بكل جوانب الموضوع, فهم فى أغلب الأحيان يقيمون علاقه مع بنى جنسهم مبنيه على نفس الأسس المبنيه عليها أى علاقه طبيعيه أخرى مثل الحب أو الاعجاب الخ, فبالرغم من شذوذ العلاقه هى شكلاً تشبه العلاقه الطبيعيه, و كما أن الزوجه لن تسمح لزوجها بأن ينكح امرأه أخرى أمام عينيها, فلن يحول الشواذ السجن الى كباريه, و بالمناسبه أسمع الكثير من القصص عن السجون فى مصر عن اغتصاب مسجون, لأنه أضعف من الباقين مثلاً او ليس له من يسانده وسط المجرمين العتاه, و الأولى منا الدفاع عن مثل هذا الشخص بدلاً من اعتبار ما سيكون. مجتمع الشواذ موجود فى كل دول العالم و لكن ظهوره أو اختفائه مرتبط بمدى تقبل المجتمع لهذا الاتجاه الجنسى, و لا يعنى هذا ان المجتمعات الغربيه تشجع الانحلال و الشذوذ, و لكنها تحاول مساندتهم و تقبل ماهم عليه, بدلاً من محاربتهم. حديثى هذا كله لا يعنى انى أشجع الشواذ بأى حال من الأحوال, و لكنه واقع موجود, والواجب التعامل معه و علاجه بدلاً من رفضه و كأنه غير موجود, أو نفى الشواذ و اعتبارهم بشر من الدرجه الثانيه.

    مصرى حارب مع دوله أخرى ضد مصر: الى حد كبير متفق معك, و لكنى لا أظن أن مصرى حارب ضد مصر سيأتى فى وقت لاحق الى مصر للمطالبه باسترداد جنسيته, و لماذا و لديه دوله أخرى تأويه, و قد حارب فى سبيلها ضد مصر, و لكنى أفضل الفصل فى كل حاله على حده, و وجب أن نعرف إذا كان هذا الشخص قد حارب مصر برضاه أم كان مجبراً, لا يوجد أمثله مصريه أستطيع ذكرها, و لكن ماذا مثلاً عن عرب 48 الذين يحملواالمواطنه الاسرائيليه و لزم عليهم الخدمه فى الجيش الاسرائيلى لمدة ثلاثه سنوات, و ماذا عن قوه الناتو متعدده الجنسيات فى أفغانستان (ايساف) و التى قد يكون فيها أفغان حاملى لجنسيات أخرى, لا تنسى أن أن الخدمه العسكريه مازالت اجباريه فى الكثير من دول العالم, و ان لم تكن فهناك مغريات كثيره للانضمام اليها, و فى الحالتين لا يستطيع الشخص بسهوله الفكاك من تأديه الخدمه, و خصوصاً فى حالة الحرب, فيلم يوسف شاهين (نسيت اسمه ) عن حرب الكويت كانت مثالاً معبراً عن هذا الموقف. إذن مهم جداًالفصل بين الحالات و عدم جمعهم فى سله واحده.

    مصرى تنازل عن الجنسيه المصريه من أجل جنسيه أخرى , واحد ساب بلده على حد تعبيرك: لا نستطيع أن نحكم على شخص كل ما فعله هو محاولته اعاشه نفسه و آخرين من حوله, و انتهى به المطاف مواطن فى دوله أخرى, أو أياً كان السبب الذى اضطره الى الهجره الى دوله أخرى, و قولك هذا يجعلنا نرفض أكثر من مليون مصرى يعيشون فى دول أمريكا و أوروبا فقط, أغلبهم مزدوجى الجنسيه أو حتى حاملين فقط لجنسيه الدوله المقيمين بها. مصر هى دوله لكل المصريين, سواءً كانوا يعيشون فى مصر أو خارجها, و سواءً كانوا مازالوامحتفظين بجنسيتهم المصريه أم تنازلاوا عنها. المصريه هى مواطنهَ وليست جنسيه, و اذا أخذت منهم جنسيتهم فكيف ستأخذ منهم لغتهم العربيه و دينهم و تاريخ يمتد لآلاف السنين و الأهم لماذا نستكثرعليهم حبهم لمصر و نبخل عليهم جنسية دوله هم أصلاً جزءُ منها.

    آسف للإطاله عليك. اليوم فشلت فى اجتياز امتحان بالجامعه و لم أجد متنفساً غير الكتابه, يسعدنى تواصلنا و سماع آرائك, و السلام ختام.

    ردحذف
  67. غير معرف٨/٠٦/٢٠٠٦

    بسم الله الرحمن الرحيم

    عزيزى احمد ..
    احترمك بشده .. ردك اقنعنى بحاجة و هى من الظلم انتزاع مصرية اى انسان لكونه ضد فكرى و لكن لسة مقتنع بفكرة انه ضد اخلاقياتى ( مازلت فى اغتلافى معك فى قضية اللواط دى ! فدى حاجة ربنا نهى عنها زيها زى الخمر زى لحم الخنزير .. ده حتى الخمر و الخنزير ليهم حالات بيتحللوا فيه لكن اللواط مفيش و حتى يثبت الطب ان اللواط له علاج او بسبب نقص فعلى فى اى مكونات الجسم فهو حرام قطعا )

    هقولك حاجة عزيزى انا مش هتكلم عن فكرى او فكرك انما اتحدث عن الصواب .. و احنا اتفقنا ان لا احد يملك زمام الحقيقة المطلقة و لكن فى مسلمات و قوانين حياتية من عارضها نزح عن طريق الصواب .. لو حيت اطبق كلامك على كلامى و انى بتكلم عن حرية دينى و فكرى بس .. يبقى والله انا مقتنع ان كل الاديان ممكن تتعايش فى سلام و اى فكر يمكن اى يسود طالما اختاره الناس و كان الصواب .. حرية دينى و فكرى اللى بتكلم عنهم بتقولك ان الحرية اعظم شئ فى الوجود و ان الطرد احسن كتير من السجن و افتكر كده اى عقوبة سجن اذن بها الرسول او امر بها القران ؟ مفيش ! فاكر مقالتك بتاعة الاعدام و ان فى ناس ضد عقوبة الاعدام ..انا بقى ضد عقوبة السجن لان حرية الانسان دى اخر حاجة ممكن تسلب منه .. اسلب حياتى ولا تسلب حريتى .. و انا مش بقول اى حد يغلط يطرد لكن بتكلم عن اخلاقيات لا يمكن ان يعالجها السجن ولا اى عقوبة ا زى المنادين بحرية زواج المحارم ( متخافش ! .. لن يتحول الحوار عنهم )
    والله انا مقبلش ولا حد يقبل ان جارة يعلق كل يوم يعلق فى مدخل العمارة يافطة مكتوب عليها ( امك افيدلك ! ) او اى حاجة تخدش الحياء .. ده اصلا مش هيلحق يطرد ! ده هيتفرم هو و امه فى يومها !

    طبعا احنا بعدنا عن الموضوع الاساسى بس الكلام بيودينا و يجيبنا و نحب نعرف اراء بعض ..

    :((
    -----------------------------------

    معتز ..
    زعلتنى على امتحان الجامعة و ان شاء الله ربنا هيكتبلك اللى فيه الخير ..

    نرجع لموضوعنا .. انا وضحتلك وجهة نظرى من الدين و انى طبعا مقتنع ان الاسلام مش صغير و عشان هو مش صغير انا متمسك بيه و متمسك باوامره و تعاليمه اللى قالت ان محمد صلى الله عليه وسلم اخر الانبياء يعنى لما حد يدعى النبوة بعد كده و انا مؤمن انه كاذب , اقوم معملش حاجة , ابقى انا كده سلبي و مقولش حرية دين .. انا كده بضحك على نفسي ..
    ممكن تسمى حرية الدين و الفكر عندى محدودة .. يعنى ممكن اسكن جنب معبد لليهود او كنيسة ( و هذه الحقيقة فعلا ) لكن مش هسكن جنب معبد هندوس مثلا .. احترم اى فكر فى الدنيا اشتراكى رأسمالى , ليبرالى , شيوعى , عفريت الا لو كان تطبيعى مع قتلة الاطفال

    فهمت انا عايز اقول ايه ؟ انا عمرى ما كرهت شيعى لانه شيعى لكن كرهت مجتبى الشيرازى لانه قال اقتلوا اى سنى !

    و انا مقلتش واحد ساب بلده .. قلت واحد سب بلده زى الكاتب على سعودى لما طلع و قال مصر بلد الجهلاء كانت ارض الحماقة و ستظل ارض الحماقة !
    خير ؟ مين ده عشان يشتم البلد !
    ده نخليه يرجع البلد تانى ؟!

    -----------------------------------

    ردحذف
  68. آسف بخصوص امتحانك يا معتز
    بس التعليم مش امتحانات و درجات
    يا ريت الناس تبقى متعلمة زيك كده
    معلش.. عيده تاني... و أهو منك بتكسب الجامعة بدفع الرسوم مرة ثانية
    فكر في الجانب المشرق

    :)

    ردحذف
  69. غير معرف٨/٠٦/٢٠٠٦

    ياه كنت هنسى ..

    طبيب نفسي

    اضحكتنى

    معقولة دمك اتحرق اوى كده ! امال لو كنت كتبتلك مقالة تهجمية كاملة و ليست نقدية زى اللى انت كتبتها .. و مش معنى انى مردتش عليك انى اجهل تاريخ اليسار , فى حاجات تانية كتير ممكن تعنى عدم ردى غير الجهل يا طبيب .. و اين ادعيت انا الحقيقة المطلقة ! ده انا طول كلامى بقول لا احد يملك زمام الحقيقة المطلقة ! و بعدين ما تقرا كلامك قبل ما تقول الكلمة دى !.. عجبت لشخص يُدَرّس لمن اجازه الابنودى شاعر المُغَرّبيين مبادئ لغته .. كلامك كان موجهه لاحمد ؟! احمد على عينى وعلى راسى بس فسرلى الكلمات دى .. من تقصد؟ .. وجودك .. اسمك ! ان كان كل هذا موجها لاحمد فاعتقد انك من هو بحاجة عنى لدراسة اللغة ! .. ثم جملة مالا يناسبك حجما و قولا بتفكرنى باى واحد بيتخانق فى الشارع و يقول للى قدامه انت عارف انت بتكلم مين ؟! .. يا سيد لما الغرور و كلنا ابناء ادم ان كان الله قد اعطاء علما فانفع به الناس افضل من تتكبر به عليهم ...

    انا فعلا لن اناقشك او ادخل معك فى اى جدال لكن عرفت من البروفايل بتاعك انك فى امريكا .. لو كنت فى نيويورك احنا بنتجمع كل يوم جمعة فى Brooklyn , vichmond cafe .. على الكورنيش .. مصريين كتير .. دكاترة و مهندسين و دبلوماسيين .. بنتكلم عن كل حاجة فى بلدنا .. لو عايز تيجى تشرف .. انا مش هناك دلوقتى .. بس هديلك نمرة صاحب الكافيه و هو مصري عشان تقدر توصل .. لو حبيت تروح

    و السلام عليكم ..
    د.احمد

    ردحذف
  70. غير معرف٨/٠٦/٢٠٠٦

    اه يا احمد موضوع مصاريف التعليم ده حكاية تانية !
    ربنا يعين الجميع !

    ردحذف
  71. شارم

    الصبي وبنية الجهل

    أنت تضحك من طغيان الجهالة والجهل علي ما أرتضيته لنفسك من ضحالة فكرية وسلوك صبياني وحيل لم تغادر فصول الاعدادية.
    وقد وصفتك بما يليق بك من أقزمة شخصية وعلمية، وأعتقد أن بعض من يقرأون هنا يفهمون، و كلامي لهم ولست منهم في شىء.
    أما أسلوب الردح الحواريجي، فهذا تستخدمه مع أمثالك ممن لايفقهون القول فيتبعون أسوأه.
    أما إدعائك للحقيقة فهذا بين في إطلاق أحكام عامة بالنفي والطرد والاقصاء لمن لا يحلو لك فكره أو عقيدته أو مذهبه أو ميله، وهي تنبع من قناعتك الشخصية بإنك أوتيت الحكمة من الجهات الاربعة.

    أما توجيه الحديث لأحمد فهذا واضح من كونه المنادي إليه، وكلمات اسمك ووجودك هي من أليات الخطاب داخل النداء، بمعني أن التحادث أمر تخيلي داخل أطار النداء، وهو أسلوب تخاطبي يعتمد علي الدلالة المورفولوجية للكلمات، أي خطاب داخل الخطاب، ولا أتوقع منك دراية أو معرفة بآليات الخطاب.

    ولو أجازك سيبيويه وأبو الاسود الدؤلي وليس الابنودي، سيبقي ما تكتب شاهدا عليك وعلي وهن لغتك وعجزك المعرفي، وما سطرت من فراغ كلامي ولغوي هو أكبر دليل علي ذلك.

    ومن يعرفني جيدا يعلم أن كل ما أكتب أو أقول خارج عن أطار تهاويم الذات وفخ الادعاء والنرجسية، فلا تطلق أحكام مسبقة علي مالا تعرف ومن لا تعلم. وتعلم فقه التحيز للحقيقة والعلم بدون مداهنة أو تسطح.
    فأنت لست جاهلا بمناهج التفكير فقط، ولكن مدعيا لثقافة المعلومة.
    وإن كنت لا تعلم فتلك مصيبة
    وإن كنت تعلم فالمصيبة أعظم

    وأنت لست كفء للجدال أوالحوار

    ولا رغبة لي في إضاعة الوقت والجهد مع أصحاب الدوجما وعقلية العصور الوسطي..... فأنا أعطي وقتي لمرضاي ومحاضراتي التي ألقيها ، وأصدقائي وزملائي، كي أعلم وأتعلم... والله من وراء القصد.

    والسلام

    ردحذف
  72. غير معرف٨/٠٦/٢٠٠٦

    السلام عليكم ورحمة الله

    تشكيل ..

    ما قصدته انه لا احد يملك حقيقة زمام الامور فى اى فكر سياسي مش فى الفكر الدينى ولا الاخلاقى .. و عشان كده انا اديت امثلة دينية و اخلاقية ..

    جملة ( و حتى يثبت الطب ! ) لانه يا سيدى قطعا لم يثبت و لن يثبت .. هذا ليس انتظارا لاثباته بل اقتناعا باستحالة اثباته .. هذا ما قصدته

    بالعكس يا تشكيل لا تظلمنى .. انا احترم حرية الصحافة لما تكون محايدة و نزيهة و تحاول استرداد حقوق الناس مش واحد يطلع يشتم شعب مصر كلهم ..

    -----------------------------------

    طبيب نفسي

    كلمتك بكل احترام و دعوتك لتفيدنا بخبراتك و علمك - تقديرا لهذا العلم - و انت ما انت الا مجرد مغرور ..

    فعلا .. خليك احسن مع مرضاك

    انتهى النقاش

    د.احمد

    ردحذف
  73. انا متشكر جداً يا جماعه على الكلمات الظريفه دى لى, ده رفع كتير من روحى المعنويه, و قبل ما نبتدى نخبط فى التعليم فى مصر لازم أذكر انى بادرس فى المانيا, صحيح انى ذاكرت على قد ما قدرت, بس هو غالباً رسوب مستحق, و درجه النجاح هنا 67% و ربنا يستر بقى. و فى الاعاده افاده.

    امابالنسبه لموضوع الطرد, فأنا ارى اننا بدأنا ندخل فى دوائر مغلقه, تعالوا نعمل حاجه تانيه, ما تيجوا نشتم فى التعليم فى مصر أجدع , اهو منه هننفس عن غضبنا, و من ناحيه تانيه هنبقى غالباً متفقين فى الرأى , و مختلفين بس فى نوعيه الشتائم :))
    و السلام ختام

    ردحذف
  74. غير معرف٨/٠٦/٢٠٠٦

    معلش يا دكتور احمد
    فى ناس كتير لا تسمخ الا برأيها ولا تعظم الا فكرها و يتهموا الناس بالثيوقراطية و هم اساسها و اذا اختلفت معهم فانت اما كافر او عميل او جاهل !
    الديموقراطية فى بلادنا لن تكون لان فى ناس بتنادى بالديموقراطية و هى اصلا جاهلة لمعناها ..
    بصراحة انا اختلفت مع احمد ( صاحب المدونة ) فى حاجات كتير و نقط كتير لكن مجرحش فيا ولا شتم و قل ادبه نهائيا و دى حاجة تخلينى اقول عليه نفس الكلمة اللى انت قلتها عليه .. محترم
    بغض النظر كونى مختلفة معاه 100 % فى تفكيرى .. يمكن هو صح و يمكن انا صح ..
    و رغم اختلافى معاك فى بعض النقط البسيطة الا انى عايزة اقولك حاجة ..
    حافظ على فكرك ولا تهتم لمن يحاول التقليل منه فالكلاب تنبح و السحاب تسير ..

    يا ريت تكتبلى رقم الكافيه .. احنا كمان بنتجمع دايما بس اغلبنا مش مسلمين .. هتبقى حاجة كويسة لو اتناقشنا كلنا فى ناس كتير متعرفش عن مصر الا اسمها !

    معتز .. شد حيلك بجد .. عايزينهم يغنوا فى برلين المصريين اهما !!

    ردحذف
  75. غير معرف٨/٠٦/٢٠٠٦

    احمد ايش تبى بالظبط ؟
    تشجع سلام ولا تشجع مقاومة و لا شنو ؟!
    مافهمتك ..
    الخلاصة قالها ايمن فى الاول ..
    تقريبا ردى بيصير ملخص لردود عبد الرحمن جادو .. علاء 16 .. و علاء من غير 16 ... و شام .. و جوليا .. معتز .. m4m ( عجبنى البلوق حقك .. بس مختلفة معك فى موضوع مريض نفسي مايعرف يكتب اصلا و غلاط !
    و مايصير تجول على عمرو خالد جاهل .. افا عليك )

    شام ولا دكتور احمد شنو تحب ؟ المهم رايك زين بس صدقنى مجتبى الشيرازى من مهابيل عصره خلك مع راى معتز ان المقاومة ممكن تصلح المكسور !

    جوليا ضيفى لكلامك ان الفاضى يعمل قاضى !

    تحياتى للجميع

    ردحذف
  76. بوضوح :
    1-أنا ضد التظاهر ، ولا داعي للكلام عن تاريخ المظاهرات في مصر ..ولا عن كيفيتها.. كما أنه من النفاق المربع أن يهتف شخص للعزة والكرامة في لبنان بينما يهان من طوب الأرض في بيته وفي عمله .. وأن لا يتظاهر الناس لغلاء البنزين ، أو لعدم تحويل رابسو بيه أغا أوغلي وزير التعليم لأي موظف فاسد في وزارته للتحقيق ..
    2-خروج مظاهرة من مسجد أو كنيسة أمر غير مقبول شكلاً وموضوعاً..من الآخر..

    ردحذف
  77. يسلم فمك يا قلم يا جاف

    فينك من زمان

    ردحذف
  78. احمد خلاص، بحبك انت مرتبط؟
    لأ بجد تدوينة محترمة

    ردحذف
  79. ده بس من ذوقك يا ستو هانم
    :)

    ردحذف
  80. غير معرف٨/٢١/٢٠٠٦

    On behalf of Allah the Misericordiador the Misericordioso.Louvores the Allah the Excelso.


    Salaam Brothers,


    São Luis -MA, yaum ath-thalatha - 21 Rajab - 1427 H





    That the blessings of Allah are with Mohammad Prophet through who God thus saved us of the perdição, taking off us of the ignorance, guiding us for the footpath straight line, freeing us of the abyss of the hell, and in placing in the group of the best community that already existed on the land, with its family, its Friends and Followers of the truth until the Day of the Judgment End Allahuma Amin!.Louvado either Allah, Mr. of the Universe and Who we only ask for aid. That one to who Allah guides nobody will mislead and to who Allah it misleads does not have who can guide it. E I give my I testify of that he does not have another deity beyond Allah, only the e that Mohammad is its servant and Messenger my conjuncts my devotions my life and my death belong to the Allah Mr. of the universe that created the life and the death, to put to the test, who of us practical the best actions, in the Surata Ali-Imran, Allah, disse:"Quem to follow a religion not being the Islam, its workmanship will be invalid in the Day of the Judgment, and it will be of the losers". The Islam is the stamp of the prophecy and of religiões.Suas laws are the orienting light of the humanity, that had been disclosed for Mohammad Prophet (with it the peace of Allah).Estas laws had come of the high sky for the infinite mercy of allah.que allah have accepted its conjuncts, action, intentions and declaration in name dele.que allaah loves to it for loving me for it, and for any Muslim who I have insulted Ó allah makes this to approach it of you in the day of the final judgment, on behalf of allah I mount and lives, Ó allaah, you is my support, you is my triumph, for you is moved, for you I attack and for you I battle. Allah.... YOU DO NOT ASSENT THAT I AM the CARRASCO THAT BLEEDS the SHEEP... nor a SHEEP In the HANDS Of the EXECUTIONERS...! AJUDA-ME TO SAY ALWAYS TRUTH NA.PRESENÇA Of the FORTS and NEVER TO SAY LIES TO GAIN the APPLAUSES Of WEAK the Wa alaykum them salaam wa rahmatullahi wa barakatuhu ya akhy fi Allah,Em name of Allaah, the Merciful one, the Misericordiador, the louvor are for Allaah, Gentleman of the Universe, and that Allaah enalteça and gives peace to Muhammad Prophet, its familiar, following and accompanying ones. We are a community of Salafiyyah's Muslen who still we fight and we search to obtain one massallaah to make the conjuncts of friday in congregation thing that still we do not have, more insha Allaah one day we will obtain what more we search and an orientation of Salafiyyah"s brothers then to be able itself in helping divulgar.e to order contact them. US adrress is:

    sociedade_islamica_maranhense@hotmail.com


    almoxarifado@gruposjt.com.br and mmdroxo@hotmail.com
    They forgive the errors grammatical I I translate sites of translation

    Peace of Allaah for All’s

    ردحذف
  81. غير معرف٨/٢١/٢٠٠٦

    On behalf of Allah the Misericordiador the Misericordioso.Louvores the Allah the Excelso.


    Salaam Brothers,


    São Luis -MA, yaum ath-thalatha - 21 Rajab - 1427 H





    That the blessings of Allah are with Mohammad Prophet through who God thus saved us of the perdição, taking off us of the ignorance, guiding us for the footpath straight line, freeing us of the abyss of the hell, and in placing in the group of the best community that already existed on the land, with its family, its Friends and Followers of the truth until the Day of the Judgment End Allahuma Amin!.Louvado either Allah, Mr. of the Universe and Who we only ask for aid. That one to who Allah guides nobody will mislead and to who Allah it misleads does not have who can guide it. E I give my I testify of that he does not have another deity beyond Allah, only the e that Mohammad is its servant and Messenger my conjuncts my devotions my life and my death belong to the Allah Mr. of the universe that created the life and the death, to put to the test, who of us practical the best actions, in the Surata Ali-Imran, Allah, disse:"Quem to follow a religion not being the Islam, its workmanship will be invalid in the Day of the Judgment, and it will be of the losers". The Islam is the stamp of the prophecy and of religiões.Suas laws are the orienting light of the humanity, that had been disclosed for Mohammad Prophet (with it the peace of Allah).Estas laws had come of the high sky for the infinite mercy of allah.que allah have accepted its conjuncts, action, intentions and declaration in name dele.que allaah loves to it for loving me for it, and for any Muslim who I have insulted Ó allah makes this to approach it of you in the day of the final judgment, on behalf of allah I mount and lives, Ó allaah, you is my support, you is my triumph, for you is moved, for you I attack and for you I battle. Allah.... YOU DO NOT ASSENT THAT I AM the CARRASCO THAT BLEEDS the SHEEP... nor a SHEEP In the HANDS Of the EXECUTIONERS...! AJUDA-ME TO SAY ALWAYS TRUTH NA.PRESENÇA Of the FORTS and NEVER TO SAY LIES TO GAIN the APPLAUSES Of WEAK the Wa alaykum them salaam wa rahmatullahi wa barakatuhu ya akhy fi Allah,Em name of Allaah, the Merciful one, the Misericordiador, the louvor are for Allaah, Gentleman of the Universe, and that Allaah enalteça and gives peace to Muhammad Prophet, its familiar, following and accompanying ones. We are a community of Salafiyyah's Muslen who still we fight and we search to obtain one massallaah to make the conjuncts of friday in congregation thing that still we do not have, more insha Allaah one day we will obtain what more we search and an orientation of Salafiyyah"s brothers then to be able itself in helping divulgar.e to order contact them. US adrress is:

    sociedade_islamica_maranhense@hotmail.com


    almoxarifado@gruposjt.com.br and mmdroxo@hotmail.com
    They forgive the errors grammatical I I translate sites of translation

    Peace of Allaah for All’s

    ردحذف

المدونة و التدوينات ، بلا حقوق فكرية ، باستثناء الأعمال الفنية و الموسيقات فهي ملكية خاصة لأصحابها.

  ©o7od!. Template by Dicas Blogger.

TOPO